PAGMULAT ng mga mata ni Soffie ay ang puting kisame ang bumungad sa kaniya. Mabilis niyang inilibot ang paningin sa loob ng kaniyang silid nang maalala ang nangyari. Nakita niya si Nick sa may pintuan. Mayroon itong kinuhang tray ng pagkain sa isang kasambahay at humarap sa kaniya nang nakangiti. “Good morning,” masayang bati nito. Inilapag ang hawak sa ibabaw ng bedside table at marahang naupo sa kama.
Marahan siyang naupo, sapo ang kumot hanggang sa kaniyang dibdib at pinagmasdan ito. “Nick, anong ginagawa mo?” namimilog ang mga matang tanong niya.
Nagtaka naman ang lalaki. “What?” balik tanong nito.
Pinasadahan niya ito ng tingin. Wala pa itong pang-itaas na damit at tanging ang isang puting tuwalya lamang ang nakabalot sa ibabang bahagi ng katawan nito. “Bakit ka nagpakita sa mga
