-Dianne's-
Pagkatapos nang hapunan ay napagpasyahan ng magkapatid na tumambay sa labas sa bandang poolside at nagkayagan na uminom sila kahit silang magkapatid lang. Total bukas ay paalis na rin naman kami. Sanay naman si Maxine na uminom dahil pag nasa Manila kami ay kung saan-saang bar din ito napapadpad kasama ng iba niyang kaibagan at mga katrabaho noon. At siguradong ganon din siya doon sa England. Nagmadali akong ilabas ang nilutong pulutan ni Manang Flor dahil takam na takam na si Maxine na isawsaw sa suka na madaming sili, itong chicharong baboy. Hindi nga ako nagkamali dahil ilang hakbang pa bago ako makarating sa pwesto nila ay sinalubong na niya ako at inabot na sa akin ang dala-dala kong mangkok. Kinindatan niya ako bago hinalikan sa pisngi bilang pasasalamat. Napapailing nal
