- Dianne's-
Mag a-alas siete na nang gabi nang magising ako, dinilat ko ang isa kong mata para tingnan kung nasa tabi ko pa si Jaxxon. Bigo ako nang makita kong wala siya sa tabi ko. ‘ Baka bumalik na sa unit niya.’ Umupo ako at bahagyang sinandal ang aking likod sa headboard ng kama, medyo nahihilo pa ako kaya hindi muna ako gumalaw. Nanatili akong naka-upo, hanggang sa tansya kong ayos na ang pakiramdam ko ay saka ako dahan-dahang tumayo para pumunta ng cr para maghilamos at ayusin ang sarili. Pagkatapos makapag tali nang aking buhok ay nag toothbrush lang ako at tiningnan ulit ang sarili sa salamin bago naisipang lumabas na nang banyo.
Binuksan ko na ang pintuan para lumabas, ngunit napatda ako sa aking kinatatayuan nang makita ko si Jaxxon na nagluluto sa kusina. ‘ Akala ko nasa kany
