"ARE YOU OKAY, BOSS? Bakit parang pinagsakloban na ng langit at lupa 'yang mukha mo? May problema ka ba?" tanong ni Andro sa 'kin habang nasa loob na kami ng tumatakbong kotse at pauwe na sa bahay.
"Oo, kailangan ko raw mag community service simula bukas!" inis kong sagot bago sumandal sa upuan at napahalukipkip.
"Ano naman ang gagawin mo?" tanong naman ni Terrence na nakaupo sa tabi ko.
"Ayon, magtatanim daw kami ng bruha na 'yun sa umaga doon sa garden at magwawalis naman sa buong campus pagdating ng hapon. Nakakainis talaga!"
Bigla silang humalakhak nang marinig ang paliwanag ko. Talagang may gana pa silang inisin ako at nakuha nila pang humalakhak na akala mo'y may magandang mangyayari!
I glared at them. "Kapag hindi pa kayo tumigil sa kakatawa, sisipain ko kayo palabas nitong k
