CAMILLA
Wala akong naririnig na kahit anong reklamo mula kay Jared hanggang sa natapos akong kumain. Nakaupo lang siya katapat ko at pinanood akong maganang kumain hanggang matapos. Bigla tuloy akong nakonsensya, dahil hindi ko talaga siya binigyan kahit isang butil ng kanin eh, siya naman ang nagbabayad ng lahat ng expenses namin.
Paano na lang pala kung magalit siya at iwan ako dito, tapos wala akong pambayad dahil wala naman akong dala kahit piso? Baka ang resulta nito, kapag minalas ako ay maging taga hugas ako dito sa hotel ng pinggan.
"Done?" nakangiti na tanong ni Jared kaya tumango ako.
Siya na rin ang tumawag sa hotline para magpahatid ng pagkain niya at ilabas na rin ang mga ginamit ko. Gosh, ngayon ko lang napagtanto na ang dami ko palang kinain. Grabe, ang bigat sa tiyan k
