CHAPTER 11
INAANTOK na si Hillary nang ibaba niya ang tray na may lamang plato at baso na pinagkainan ni Vin. Tinatamad na kasi ang bata na bumaba matapos na gumawa ng assignments at makipaglaro sa kanya. Masayang-masaya iyon na parang sabik na sabik sa isang kalaro. Siguro ganoon ang ginagawa ng ina noon araw-araw. At dahil halos isang linggo ng patay ang Mommy noon, kaya yata namiss nang husto ang paglalaro. Pinatulog na muna niya bago niya iniwan.
Ngayon ay ang pusa naman niya ang kanyang aasikasuhin at ang alaga ni Vin na si, Nido. Kakain na rin siya pagkatapos dahil hindi pa siya nagdi-dinner.
Parang ang tahi-tahimik na ng paligid at mukhang tulog na ang lahat. Malamlam na ang mga ilaw sa ibaba pero kapag natatapatan niya ay sumisindi ang ilang bombilya nang kusa at lumiliwanag an
