Hindi ako mapakali sa aking higaan dahil hindi ako sanay sa malambot na kama at pati na rin aircon. Hindi ko akalain na magiging ganito ang kwarto ni Nanay dito sa mansion at tig-isa pa kami ng kama. Malalim na ang gabi, mahimbing ng natutulog ang aking ina, pero ako, hindi ako makatulog. Ang dami ko kasing iniisip at ang gumugulo talaga sa isipan ko ay si Quest. Hindi lang pala siya, kundi pati ang kanyang mga kapatid. Mas magiging madali lang sana na hindi maganda ang ugali nila, yong masungit gano'n at hindi namamansin. 'Yong parang tingin lang nila sa akin ay lupa na tinatapakan lang nila. Hindi eh! Sa una pa lang nararamdaman ko na mabuti silang tao katulad ni Quest. Kaya lang sinaktan niya ako at hindi na siya bumalik pa. Kailangan na kailangan ko siya nang may mangyari kay Tatay. Sa
