Napalingon ako nang binati ako ng magkakapatid ng goodmorning ng umagang ‘yon. Lumingon ako sa kanila, ngumiti at masaya ko din silang binati. Nagtaka lang ako dahil hindi nila kasama si Quaid. Handa na lahat sila papuntang work at si Quartz ay naka-game face na rin. Hindi siya unang nagising ngayon para unang batiin at lambingin ako. Dati nakayakap na siya sa akin at hindi niya ako tinitigilan na halikan. Pero dahil tapos na ang one week niya, medyo dumistansya na siya. Pero hinalikan niya pa rin naman ako sa pisngi katulad ng ginagawa nila araw-araw. Niyakap pa nga ako ni Quest, yakap na puno ng pagka-miss. Hinawakan ko naman ang kanyang mukha at hinalikan ko rin siya sa pisngi.
“May problema ba?” Tanong ko sa kanya. Bahagya siyang ngumiti sa akin at niyakap niya ulit ako. Nagtaka nama
