“HAYOP talaga sila. Dapat isumbong mo na sila sa pulis, Angel!” galit na galit si Grace. Kahit delayed, sinabi pa rin niya sa kaibigan ang nangyari sa bahay ng tiyahin niya pagkarating na pagkarating niya sa apartment nito. Tumawag siya habang bumabiyahe papunta roon at sobrang thankful siya na nasa bahay ito. Hindi niya alam kung saan siya pupunta kung sakaling may raket si Grace.
Huminga siya ng malalim, hinawakan ang braso ng kaibigan niyang gigil na nagpapalakad-lakad sa sala nito at marahan itong hinila paupo sa tabi niya. “Ayoko na silang makita uli, Grace. Kaya ayoko na magsumbong sa pulis o kung ano pa man. Tatanungin lang nila ako kung bakit ngayon lang ako nagsumbong kung kailan matanda na ako. Mauungkat pa ang naging kabataan ko at makakarating sa mga taong nakakakilala sa aki
