Zion's POV
"Hangad ko ang kaligayahan mo Zion at huwag mo sanang kalilimutan na may isang Aubrey na nagmamahal sa iyo ng tapat. Huwag mo akong intindihin dahil kakayanin ko ito. Mahal na mahal kita Zion kaya ko ito ginagawa. Mahal na mahal kita." Wika nya ngunit tila ba ako itinulos sa aking pagkakatayo at hindi ko maiproseso sa aking isipan ang lahat ng nangyayari, hindi ko yata kakayanin na tuluyang mawawala sa akin si Aubrey.
Bigla ay hinalikan niya ako sa labi at tila ba may libo libong kuryente ang ngayon ay dumadaloy sa buo kong pagkatao. Niyakap nya ako ng mahigpit at agad ko itong ginantihan, pilit kong pinipigilan ang mga luhang kanina pa pilit gustong umalpas sa aking mga mata ngunit bakit pilit itinatago ng aking isipan ang damdaming gustong mag umalpas sa aking kaibuturan. B
