Zion's POV
Nagising ako sa malakas na ingay na nanggagaling sa ibaba kaya mabilis kong tinungo ang unang palapag dahil nag aalala ako sa aking asawa ngunit laking gulat ko ng abutan ko si Patrick na nakikipaglaro kay Aubrey kaya nakaramdam ako ng selos ng makita ko kung gaano kasaya na nakikipaglaro ang aking asawa sa kaniya. Ang malaking ngiti sa aking labi ay unti-unting nawawala at napapalitan ito ng sakit na nanggagaling sa kaibuturan ng aking puso.
Dahan-dahan akong bumaba ng hagdan hanggang sa mapansin ako ni Aubrey, agad na tumayo ito at sinalubong ako ng mahigpit na yakap kaya naman biglang nanumbalik ang mga ngiti sa aking labi.
"Nandito si Pat, binibisita nya ako." Masayang turan niya kaya nginitian ko naman siya at pagkatapos ay isang halik ang idinampi ko sa kaniyang labi.
