"Kakain ba muna tayo o manunuod na agad sa sine? Alam mo, mas maganda talaga kung kumain muna tayo, nakakagutom na kasi at saka--" Mariin akong napapapikit sa kadaldalan ni Troy, kahit kailan talaga.
"Pwede ba tumahimik ka muna kahit saglit lang?"
Napanguso siya bago niya ako akbayan. "...Pero kasi Gutom na ako.."
Nasa tapat kami ng isang restaurant dito sa Alabang Town Center. Kadarating lang namin dito ni Troy pero pagkain agad ang nasa isip niya.
"Kakain na tayo.."
Napatawa ako nang biglang lumiwanag ang mukha ni Troy. Minsan talaga, napapaisip ako kung bakit ganito ang isang ito. Ang gwapo-gwapo naman pero kadalasa'y nag-iisip bata ang loko.
Papasok na sana ako sa magandang restaurant na nasa harapan namin pero hinila ni Troy ang kamay ko.
"Sa Jollibee tayo kumain.." Ngumuso siy
