Hindi na gaanong masakit ang ulo ko nang magising ako. Ang akala ko nga ay nasa bahay na ako at natutulog sa malambot na kama ko pero nagkakamali pala ako, nandito pala ako sa clinic ng school.
"Okay ka na ba?"
Napapitlag ako at halos mapatigil ang sistema ko nang marinig ko ang napaka-pamilyar na boses na iyon.
Narinig ko ang pagbubuntong-hininga ni Troy na nakaupo sa sa silya na katabi ng kamang hinihigaan ko. "Buti na lang, nasaklolohan kita..."
Napahinga ako nang malalim nang maramdaman kong idinampi niya ang likod ng palad niya sa aking noo. "Medyo bumaba na rin ang lagnat mo."
Marahan akong napatango at tinignan ang paligid, hinanap ng mata ko ang orasan na nakasabit sa dingding. Mag-aalas tres na pala ng hapon.
"Hindi ka nagsasalita.." Ani Troy nang may mahinang boses sa tabi
