"HEY, why are you cryin'?" tanong niya sa batang babaeng nakaupo sa likod ng mga halamanan. Kararating lamang niya roon. Lahat ay nagsasaya sa loob ng bahay ng kanyang kaibigang siyang may kaarawan. Pero ang bata, nasa likod lang ng naturang bahay, nakasubsob ang mukha sa mga tuhod, yakap ang mga nakatuping binti at umiiyak.
Ang totoo, hindi isang kaibigan si Alani — para sa kanya. Kaya nga niya hinahanap si Alani dahil may ibibigay siyang regalo. Sa paghahanap, nakarating siya roon saka nakita ang paslit.
Kapagkuwan tumigil ang bata sa pag-iyak, tumingala sa kanya. Pulang-pula ang pisngi nito, pati na rin ang maliit at matangos na ilong. Bago ito sa paningin ni Bradley. Taon-taon siyang dumadalo sa birthday party ni Alani pero ni minsan ay hindi niya ito nakita.
"Where are your parent
