"May camp tour daw! Kaka-announce lang!" narinig kong sinabi ng isa kong kaklase pagkapasok ko pa lang ng classroom.
"Eh? May camping ulit?"
"Oo, kanina lang in-announced."
Sila-sila lang mga nag-usap-usap at tahimik lang akong nag-tungo sa pwesto ko para naupo na.
Mabuti na lang nakisama ang mga kasu-kasuhan ko ngayong araw, maaga akong nakapagpahinga kagabi kaya kahit paano gumanda-ganda lagay ng katawan ko.
"Okay ka na ba, Ada?" tanong sa akin ni Franco nang bigyan niya ako ng daan para makaupo sa silya ko at muli na rin bumalik sa kanyang pagkakaupo.
Tumango ako. "Okay, okay na," tipid ko namang sagot at inilabas ang mga libro ko.
"Ang tamlay mo ata?" puna pa niya sa akin.
Dahil hanggang ngayon tampo pa rin ako kay Professor matapos niya ako babaan ng tawag kagabi.
"Normal moo
