روايه جيران الهنا

روايه جيران الهنا الجزء الثامن للكاتبه آيه عادل

ولما تقي لقت الاتنين اللي علي السلم فضولها خلاها توقفهم وقالت

تقي : انتم مين وطالعين فين وبتشتغلو ايه

والاتنين بقو مش عارفين يردو من دخلتها اللي خصيتهم و واحد فيهم قال احنا تبع شركه الغاز وجايين لشقه استاذ مصطفي يا مدام

تقي : اها تعالو ورايا هوريكم الشقه

وطلعت تقي توريهم الشقه وخبطت وايه فتحت وقالتلها

آيه : ايه ياحبببتي عامله ايه

تقي : الحمد لله ، كانو بيسالو علي شقتكم

آيه : اهلا مين

عامل شركه الغاز : حضرتك احنا تبع شركه الغاز وجالنا شكوي ان في مشكله في المواسير جايين نشوفها

آيه : أيوه تمام اتفضلو

تقي : ماله الغاز يا آيه عندك في حاجه ولا ايه

آيه : مافيش ده بس في تسريب عندي يا حبيبتي

تقي : اها عشان كده ، اصل كنت عند شاهندا وجابت خلاط جديد إنما ايه تحفه يا ايه

ايه : بجد مبرووك المهم انتي عامله ايه

تقي : انا كويسه انتي عامله اكل ايه ، ايه ده انتي جيبتي شاشه جديده اكبر من اللي كانت عندك انا اول مره اشوفها

ايه : ايوه لسه جايباها

تقي : والصغيره حطيتها فين

ايه : في اوضه حمزه يا تقي

تقي : اها الف مب**ك يا حبيبتي بكام بقي

ايه : معرفش مصطفي اللي جايبها ، بعد اذنك هدخل اشوف العمال عملو ايه ، خليكي قاعده البيت بيتك

تقي : لا لا انا هنزل انا بقي

وجه عمرو من الشغل ولما دخل الشقه لقي تقي مش في البيت والشغاله قاعده مع الولد ولما سأل عليها لقاها عند الجيران ، اتصل بيها وقال

عمرو : تقي تعالي لو سمحتي

ونزلت تقي وهي مضايقه وقالت

تقي : في ايه مالك يا عمرو

عمرو : كنتي فين وبتعملي ايه يا تقي

تقي : مافيش اصل كنت عند شاهندا وعرفت الكرتونه دي بتاعت ايه الخلاط بتاعهم باظ ف جابو خلاط جديد وبعدها عديت علي آيه اصل لقيت اتنين طالعين قولتلهم رايحين فين قالولي طالعين ل استاذ مصطفي

عمرو : استفدتي ايه يعني ، لما وقفتي واتحشرتي استفدتي ايه ولما جيتي قولتيلي انا حياتي ايه اللي اتغير فيها ، اعقلي واهدي كده

تقي : انا غلطانه اني بعرفلك الاخبار عشان تبقي عارف كل حاجه بدل مانت نايم علي ودانك

عمرو : يادي وداني اللي نايم عليها ياستي مش عايز اعرف

تقي : قولي صحيح ، هي الشقه المقفوله اللي في السطوح حد سكنها

عمرو : أيوه عم يحيي قالي انها سكنت والناس هينقلو بكره في الشقه دي

تقي : اها عشان كده لقيت عفش بيطلع وكنت هموت واعرف فين

عمرو : اللهم طولك ياروح حضري الغدا يا تقي

تقي : طيب ماتزعقش كده ، بت يا روز تعالي

وتقي قالت للشغاله

تقي : بقولك ايه يا روز هو انتي مالكيش اخوات اصلي مش بشوفك بتتكلمي مع حد كده

روز : لا يا مدام انا ماليش اخوات

تقي : اها طيب وليه بقي ماتجوزتيش لحد دلوقتي

روز : ماحصلش نصيب ، ادخل احضر الغدا

تقي : استني هاجي معاكي

وقامت تقي تحضر الغدا وهي عايزه تعرف الجيران اللي فوق شكلهم ايه ومعاهم كام عيل وياتري هتعرف هنعمل كل حاجه بسهوله ولا هيثيرو فضولها

في شقه حماده و اماني كل ستات العماره راحو عشان يتطمنو علي اماني وايه قالت

آيه : المهم انك قومتي بالسلامه يا حبيبتي الحمد لله

اماني : اها الحمد لله دي كانت فتره صعبه اوي

شاهندا : اوعي بقي تعملي العمله دي تاني اد*كي شوفتي اخرتها

اماني : مستحيل اعملها ، بس بالله عليكم محدش يقول الكلام ده ل تقي انتو عارفينها

آيه : اها انتي هتقوليلي دي فظيعه جدا

شاهندا : طلعتلي بتسألني ايه اللي كان احمد جايبه في كرتونه شوفتو البجاحه

آيه : تصدقي وانا كمان وقفت بتوع الغاز وسألتهم طالعين ل مين ومش بس كده دي اخدت بالها من الشاشه الجديده اللي في اوضه الليفنج هههههههههههه

اماني : فظيعة بجد لما بعوز اعرف حد حاجه بقولها عشان عارفه أنها بتنقل الكلام وحشريه

آيه ؛ يلا ربنا يهديها هي طيبه بس حشريه وبتحب تعرف كل حاجه وبتنقل الكلام

وفي الوقت ده تقي اتسحبت وطلعت عشان تشوف الجيران الجداد وطلعت السطح وفضولها وصلها انها تبص من الشباك المفتوح وسمعتها وهي بتتكلم في التليفون و بتقول

فتحيه : ماتقلقش كله تمام انا طلعت كل عفشي وشكل الجيران هنا في حالها اوي وده المطلوب ، اصبر بس كده الدنيا تتعدل وكل شي هيبقي عال العال ، بقولك ايه اقفل دلوقتي

والست اللي ساكنه جديد شافت تقي وهي بتتسنط عليها و قفشتها من ضهرها وقالت

فتحيه : تعالي هنا قفشتك ياوليه يا حشوره ، تعملي ايه هنا يا ست انتي

تقي : ايه ده في ايه انا ماعملتش حاجه والله ماعملتش حاجه

فتحيه : يلا يا حراميه انتي عايزه تسرقيني يابت شكلك بيقول كده

تقي : والله أبدا ، انا بس بشوف مين قاعد هنا مش اكتر سيبي هدومي

فتحيه : وانتي مالك مين اللي قاعد هنا انتي حامي حمى الديار

تقي : انا ساكنه هنا يا مدام عيب كده

فتحيه : مش مبرر يد*كي الحق تتجسسي وتتحشري في اللي مالكيش فيه ياحبيبتي كان ممكن تدخلي تقوليلي انتي مين احسن ماتتجسسي عليا ده انتي نهارك مش فايت

تقي : انا اسفه اسفه والله وطي صوتك

فتحيه : امشي من هنا يابت بدل ما ابهدلك واعلقك علي باب الشقه

وايه و اماني وشاهندا سمعوها وطلعو جري

اماني : ايه في ايه

فتحيه : الست دي لقيتها بتفتح شباك شقتي من السطوح وبتبص علي شقتي وانا عشان لسه جديده حبيت بس اقرص ودنها عشان تحرم اللي بتعمله ده

شاهندا : هي ماتقصدش اكيد مدام تقي ست محترمه

فتحيه : الناس المحترمه يخبطو علي الباب مش يتجسسو علي الناس ويشوفو هما بيعملو ايه يا ولاد الأصول

آيه : انتي عندك حق بس افترضي حسن النيه ياستي

رقيه : يا ست فتحيه هي ماكنتش تقصد الشقه دي مقفوله من فتره ومحدش بيطلع هنا إلا سكان العماره ف هي ماتعرفش ان حضرتك ساكنه قالت تشوف مين بس

فتحيه : علي العموم حصل خير انا فتحيه اجرت الشقه دي لمده شهر انا وولادي مش هقعد هنا كتير هما يادوب شهر ولا اتنين وهمشي يا هوانم

رقيه : اهلا بيكي يا حبيبتي

شاهندا : نورتي العماره

ونزلت تقي وهي مضايقه من الموقف البايخ اللي حصلها خلت شقتها وهي بتعيط وجوزها قالها

عمرو : مالك ياتقي في ايه مالك بتعيطي كده ليه اهدي

تقي : مافيش يا عمرو انا ماعملتش حاجه

عمرو : انا مش فاهم حاجه وايه صوت الزعيق اللي كان فوق ده يابنتي عايز افهم

تقي : مافيش طلعت السطوح عشان اشوف مين اللي ساكن جديد ولقيت ست طلعت بهدلتني عشان كنت ، كنت ببص عليها من شباك السطوح

عمرو : تستاهلي يا تقي والله احسن عشان تبطلي اللي بتعمليه ده

تقي : بدل ماتاخدلي حقي

عمرو : حق ايه انتي اللي عملتي كده في نفسك يا تقي ومن تدخل فما لايعنيه سمع ما لا يرضيه

الخلاصة ، خليك في حالك تسلم ول**نك حصانك بلاش نقل كلام وتجسس علي الناس عشان ماتسمعش اللي يزعلك

وفي شقه مصطفي وايه

مصطفي : مش هتبطلي دلع في الواد ده يا ايه لازم يتعنف شويه

آيه : انا ماقدرش اض*به وهو في السن ده الولد بقي راجل ازاي أمد ايدي عليه صاحبه يا مصطفي بدل ماحد مش كويس يصاحبه وساعتها احنا اللي هنخسر

مصطفي : ياايه الولد بيسيب المذاكره وبيلف علي تليفونك وبياخده يتف*ج علي فيديوهات التيك توك

آيه : عارفه وبكون قاعده جانبه كمان يا مصطفي

مصطفي : يا سلام يا فرحتي بيكي ده بدل ما تمنعيه

آيه : طيب ما انا لو منعته هيروح يتف*ج مع صحابه علي فيديوهات التيك توك وساعتها مش هيبقي قدامي وبعدين ماتخافش حمزه تربيتنا واحنا عمرنا ما اذينا حد عشان ربنا يعاقبنا في ابننا اهدا بقي

مصطفي : طيب يا عاقله

في شقه حماده و اماني

حماده كان بيدور علي الساعه بتاعته وقال

حماده : اماني ماشوفتيش الساعه بتاعتي كنت حاطتها هنا علي الطرابيزه

اماني : لا ماشوفتش والله يا حماده

حماده : دوري عليها دي غاليه جدا

اماني : حاضر هنلاقيها هتروح فين

وبعد ساعه من البحث

حماده : يعني ايه الارض انشقت وبلعتها

اماني : ممكن تكون وقعت منك او في العربيه

حماده : وقعت مني ايه هو انا مسطول آخر مره حطيت الساعه علي الطرابيزه هنا

اماني : محدش دخل البيت غريب خالص يا حماده

حماده : امري لله ربنا يعوض عليا بقي بس لو لقيتيها قوليلي

اماني : مادامت في الشقه هتظهر

حماده : طيب ياستي ، بس لو سمحتي طفي التكييف شويه

اماني : تكييف ايه اللي اطفيه يا حماده الشقه حر جدا انت عارف درجه الحراره كام

حماده : وانتي عارف فاتوره الكهرباء الشهر ده جايه كام ، طفي المروحه بلاش تبزير وادخلي خدي دش

اماني : يعني هي المياه ببلاش ماحنا هندفع فلوس مياه

حماده : عندك حق اقولك هاتي ازازه مياه من التلاجه وتعالي نبخ في وش بعض

اماني : عمرك ماهتبطل بخل ابدا صبرني يارب

وحماده كان معدي من قدام السوبر ماركت ولقي صاحب المحل قاله

صاحب المحل : ازيك يا استاذ احمد ، معلش مرات حضرتك مادفعتش حق كام كيس شيبسي كده

حماده : ازاي يعني وهي تعمل كده ليه ، تلاقيكي انت مش مراجع حساباتك

والراجل لما سمع كده طلع ل حماده فيديو فيه شاهندا بتاخد كيس الشيببسي وحطيته في الشنطه وهي تتلفت يمين وشمال ولما شاف كده احمد ملامحه اتغيرت وقال ل صاحب المحل

حماده : تلاقيها نسيت ،اتفضل حسابك وخلي الباقي عشانك بعد اذنك

وحماده طلع الشقه وهو مضايق وقرر أنه يفتش حته حته في البيت ويعرف ايه حكايه شاهندا والحاجات اللي بتختفي من الشقه كلها

وكان أحمد مش متخيل في يوم أنه يحصله كده ونده علي مراته وهو حزين ومضايق وقال

أحمد : شاهندا يا شاهندا

شاهندا : نعم يا احمد في حاجه

وأحمد طلع تليفونه وطلع فيديو وقال ل شاهندا

أحمد : ايه ده يا شاهندا اتف*جي علي الفيديو ده وفهميني ايه ده

شاهندا شافت الفيديو لقت السوبر ماركت مصورها وهي بتسرق اكياس الشيبسي وكانت مصدومه جدا وأحمد قالها بحزن

أحمد : هو انا حارمك من حاجه

شاهندا : معرفش ايه ده اكيد حاسبت عليه يعني ماسرقتوش يا احمد انا مش حراميه

أحمد : لا يا هانم سرقتيه لما صاحب السوبر ماركت يقولي المدام اخدت الاكياس دي ومشيت وعشان لقاني اتحرجت قالي تلاقيها نسيت ولا حاجه ودفعت تمنهم وزياده ومشيت وانا م**وف منه وعيني في الأرض ده تسميه ايه غير سرقه

شاهندا : ده راجل كداب وانا ماخدتش حاجه يا احمد

أحمد : طيب تعالي كده اوريكي مكان اكتشفته بالصدفه

أخد أحمد شاهندا ودخلو المطبخ ولقاها مخبيه شنطه كبيره ولما فتحها لقي الفلوس بتاعته اللي كانت ضايعه والسلسله بتاعت والدته علي حاجات كتير اوي من ضمنها شوك وسكاكين و***ب ودهب وساعه رجالي

أحمد : ايه ده يا شاهندا

شاهندا : انا انا

أحمد : ساعه مين دي يا شاهندا

شاهندا انهارت وقالت

شاهندا : ساعه استاذ حماده جارنا وانا هناك لقيت نفسي باخدها وبخبيها

ساب أحمد شاهندا وطلع وخبط علي شقه حماده

حماده : اهلا يا استاذ احمد اتفضل

أحمد : لا شكرا ربنا يخليك ، لقيت الساعه دي واقعه في الجراج بتاع العماره قولت اكيد بتاعه حد فينا ، بتاعتك دي

حماده : الله يباركلك يا احمد والله بدور عليها وقالب الدنيا ، اتفضل طيب ادخل اتعشا معانا

أحمد : معلش اصل جاي من بره تعبان شويه والله

حماده : ربنا يكون في العون متشكر جدا يا استاذ أحمد

أحمد : العفو مع السلامه

ونزل أحمد لقي شاهندا واقعه من طولها

أحمد : شاهندا مالك يا حبيبتي

واتصل أحمد بالدكتور والدكتور قال

الدكتور : ماتقلقش يا استاذ احمد دي حاله عصبيه وانا اديتها حقنه مهدئه وهتبقي كويسه باذن الله

أحمد : طيب ده بسبب ايه يا دكتور

الدكتور : مش هخبي عليك المدام بتمر بازمه نفسيه ولازم تروح لدكتور نفسي

أحمد : حضرتك ايه دخل الطب النفسي في اللي حكيتهولك يا دكتور

الدكتور : مرات حضرتك من اللي حكيتهولي ممكن يكون عندها مرض السرقه ولازم تتعالج منه

وأحمد لما سمع كده استغرب وقال ......