***
Kaagad nang umakyat si Avah sa office ni Hector na nasa pinakamataas na palapag ng Glamour. Pagbukas ng elevator, tinahak niya ang koridor na kabisadong-kabisado na niya. Ganoon pa rin ang posisyon ng mga painting na nakasabit sa pader, maging ang mga paso sa gilid na may mga mamahalin at pahabang halaman.
Magmula nang maging CEO si Hector pagkamatay ng ama nito, madalas na niya itong sugurin sa mismong opisina nito. Paano, napakarami nitong maling desisyon sa buhay. Ang problema, palaging nadadamay ang grupo nila sa mga maling desisyon na 'yon.
Mantakin mo nga nitong huli, nagawa pa nitong buntisin ang sarili nitong artist? At siya pa mismo ang ginamit nitong panakip butas tungkol doon?
Baliw talaga ang isang 'yon.
At kung nandito siya dahil kay Ate Winz, dadagdag na naman sa mga
