***
Hindi mapakali na nagpapaikot-ikot sa salas si Avah habang naghihintay kay Simon. Mabilisan siyang nakapagbihis para sa kaniyang pag-alis. Labis naman ang pagtataka ni Bob na panay ang pagtatanong kung anong nangyayari. Binilinan lang niya ito na sabihin si Kristina na may kailangan lang siyang puntahan.
Pagdating ni Simon, kaagad din siyang sumakay ng kotse para makaalis. Sasamahan kasi siya ng kababata patungo sa bahay ng Dad niya, kung saan sinabi nitong naroon na ang babaeng 'yon-- ang babaeng palagay nila ay si Cindy.
Patuloy ang pagkabog ng puso ni Avah. Nakatuon lang ang tingin niya sa labas ng bintana ng kotse. Kinakain siya ng labis na pag-aalala. Pakiramdam nga niya, napakatagal ng bawat sandali at napakabagal ng pag-usad ng sasakyan. Wala naman siyang ibang magawa kung 'd
