***
Sakay ng van kasama ang ilang tauhan, bumiyahe si Vivian kasama ang anak ni Divino. Papasok na sila sa isang posh subdivison-- ang Loussiana Heights. Kaagad sumalubong sa magkabilang daan ang matatayog na pine trees na nagbigay ng foreign and aesthetic vibes sa paligid.
Labag man ito sa kagustuhan ni Vivian, wala itong magawa nang tumawag si Dr. Tiangco kay Mrs. Perez. Nauna pa nga ito sa pagpunta roon at nagsabing hihintayin sila. Kaya wala siyang ibang mapagpilian.
Nang makarating sila sa lugar, awtomatikong bumukas ang malaking gate. Mas natanaw nila ang kabuuan ng tatlong palapag na bahay na may malawak na front porch. Mayroong open veranda roon kung saan may hammock na kahit tingnan lang mula sa kinatatayuan nila, nakakarelax na. Napaka-classic ng disenyo nito na bumagay sa kah
