***
Nang mga sumunod na araw, mabilis na nakapagplano ang management patungkol sa album ng Empress. Mabuti nga at karamihan sa mga kantang kabilang doon ay tapos na ang recording, kaya uunti-untiin na ang pagpapalabas sa mga iyon sa publiko. Balak ng mga ito na simulan ang patikim sa pamamagitan ng digital single na ilalabas kada linggo. Bukas na bukas din ay uumpisahan na ang shoot para sa music videos. At next month, kasabay ng pag-debut ni Hannah, ilalabas na rin ang full album nila.
Hindi na raw pahihirapan pa ang gagawing music video. Sisimplehan lang ito at kukuhanan sa iba't ibang hot place ng Lamina, katulad sa shopping district at ang pinakakilalang amusement park sa bansa, ang Enchanment Palace. Ito pa lang ang narinig ni Avah na plano ng management, at alam niyang maayos
