Wala namang magawa si Avah nang tuloy-tuloy na pumasok sa bahay ang babaeng iyon. Tinawag pa nga nito mula sa labas sina Julian at Faye na naroon lang sa van.
Maliit lamang ang hapag-kainan kaya kalat-kalat sila. Nasa salas sina Joan, Bob, Julian at Faye. Habang sila ni Cindy, Nicole at 'yong kambal ay nandito sa dining area na nasa kusina, nagsisiksikan sa maliit na mesa. Nakatayo na nga lang si Kristina na nagsabing mamaya na lang kakain at nagpakaabala nang subuan ang kambal.
"Pasensiya ka na, ito lang ang naihanda namin, sinabawang isda at gulay," paumanhin ni Kristina habang may hawak na kubyertos. "Hindi ko naman alam na darating ka ngayon."
Punong-puno ang bibig ng babaeng nasa katawan niya nang tumugon, "Paborito ko itong sinabawang isda at gulay. Ang sarap mong magluto
