Walang kibuan si Astrid at Gaurav habang lulan ang mga ito ng kotse at patungo sila sa pinakamalapit na ospital o clinic na madaraanan nila. Humupa na ang tensyon na kanina ay umaapaw at tila nagkahiyaan na rin sila matapos ang nangyari kanina. Unang bumasag sa namamayaning katahimikan sa kanilang dalawa si Gaurav at bumaling s'ya sa katabing dalaga. Sandali niyang inihinto sa tabi ng daan ang kotse at pinagmasdan n'ya ang mga pasà at sugat na mayroon ito sa braso, balikat, batok at maging sa pisnge nito ay may pasa rin ito at putok din ang taas at pang-ibabang mga labi nito. Bahagya siyang nakaramdam ng habag sa nakita niyang hitsura nito at hindi n'ya mapigilan ang sariling sisihin sa mga nangyari rito.
"I'm sorry Astrid..this is all my fault.. hindi nila ito gagawin sa'yo kung hindi ko
