Manghang-mangha na luminga sa paligid si Alison habang tumatakbo nang matulin ang kabayong sinasakyan nila ni Gael. Sinong mag-aakala na may ganito kalawak na lupain ang nagtatago sa likod ng gahiganteng istraktura ng kanilang mansyon?
Maikling panahon lamang ang inilagi niya sa loob ng mansyon ngunit pakiramdam niya'y tila nakalaya siya sa isang nakakasulasok na kulungan. Who would've thought there's a treasure inside this sick place?
"Hindi ka pa ba nakakarating dito kahit kailan?" Untag ni Gael sa gitna ng kanyang pagka-mangha.
"Hindi pa. Siguro naman alam mo na pinalayas kami sa lugar na 'to noon." Malungkot na saad niya.
Kahit kailan ay hindi niya hiniling na bumalik sa lugar na ito o naisip na sana'y nanatili na lamang silang mag-iina noon, ngunit may parte
