DAHIL NABASA NGA ANG SUOT kong damit, kinailangan ko na iyong hubarin bago pa man ako lumabas sa CR ng silid na inookupa ni Kael. Isang malaking puting tshirt na lamang nito ang ipinasuot nito sa akin bilang pamalit.
Paglabas ko ng inookupang silid ni Kael, patawid sana sa silid ko ay nakita ko pa si Dyna. Kaaakyat pa lamang nito, at akma sanang magbubukas ng pinto ng silid niya nang mapatingin sa gawi ko.
Nagkagulatan pa kami. Pero mabilis ko namang naitago ang gulat na bumalatay sa mukha ko. Nakuha ko pa itong irapan.
Mabilis din namang nakabawi si Dyna. Kaagad na napalitan ng malisyosong ngiti ang kanina ay gulat sa mga mata nito.
"So?" Isinandal pa nito ang isang balikat sa hamba ng pinto ng silid nito at ipinagkrus ang mga braso sa dibdib. Saka nang-uuyam akong nginisihan. "Ano ka
