Pagbaba niya ng hagdan ay agad na sinalubong siya ni Elena at Valeria. Parehas na may nanunuksong tingin ang mga ito sa kanya. Hinagod niya ulit ang buhok at tumikhim nang tuluyang makababa .Hinanda niya ang malaki at matamis na ngiti kahit nahihiya siya sa nanunudyong tingin ng mga ito.
Agad siyang hinalikan sa pisngi ng dalawang babae habang tango lang ang ibinigay ng asawa ni ate Elena. Nakaupo ang mga ito sa malaking living room ng CASA at may paghanga sa mga matang nakatingin sa paligid. Hindi niya masisisi ang ito dahil kahit siya na halos dito na lumaki ay labis ang paghanga sa spanish, modern design ng CASA. Kahit kasi ilang beses na itong dumaan sa renovation ay nanatiling classic ang mga design na gusto ng mag asawang EL Cuego na magulang ni Damon.
"You're gorgeous as always
