***EYRNA***
Alas-singko na ng hapon nang matapos ang lahat sa ginagawa nila bilang paghahanda sa gaganaping pagsasalu-salo nila ng pagkain mamayang hapunan.
Nagtungo si Eyrna sa may malayong bahagi ng kabahayan upang magpahinga.
“Hay, kapoy...” Umupo siya sa may bato. Nakaramdam na siya ng pananakit ng kamay at mata sa dami ng sibuyas, bawang, at luya na kanyang binalatan at pinino ng hiwa.
At ang mas lumamig na simoy ng hangin ng lugar ay lalong nanunuot sa kanyang balat. Niyakap niya ang sarili.
Grabe, para talagang naka-aircon ang lugar.
Hanggang sa may narinig siyang sumisiyap. Tumaas ang kanyang paningin at nilinga ang mga puno. Nagulat pa siya nang makita niya ang isang maliit na ibon na kumakawag. Wala sa mga puno kundi nasa may bangin. Isang sunbird na iba’t iba ang kulay
