"KALLEAH, ngayon na natin gagawin yung group report natin!" Sabi sa kanya ni Gizelle matapos ang klase nila. "Tara na! Doon tayo sa bahay ni Justin!"
Napalabi siya, "Hindi ako nakapag-paalam sa Kuya ko, eh."
Maaga kasing natapos ang klase nila kaya nagpasya ang mga ka-grupo niya na ngayong araw na lamang gawin ang group report nila para sa susunod na linggo. Gusto niya nga sanang sumama sa mga ka-grupo niya— ang kaso nga lang ay hindi siya nakapag-paalam sa Kuya Kris niya.
"Ano ka ba naman Kalleah! Gagawa naman tayo ng Group report, eh! Hindi naman tayo maglalaro, noh!" Ani nito sa kanya.
Bahagya siyang tumango, "Sige na nga, sasama na ako."
Sabay-sabay silang lumabas ng classroom na magkaka-grupo. Kasama niya si Gizelle, Leona, Ceny, Marco at Justin.
"Wala pa naman 'yung sundo mo, K
