"AHM, Ate.. Pwede pa ulit ng isa? Yung kunwari nasa Jurassic ako.." Ani Kalleah nang matapos niya ang Galaxy themed. Enjoy na enjoy niya talaga ang 4D rider na iyon.
Napakamot naman sa ulo ang Assistant, "Ma'am, kasi may naghahanap po sa inyo. Nasa labas ho." Ani ng babae.
Nanlaki ang mata niya. Hala! Oo nga pala! Baka hinahanap na siya ni Nanny.
Bumaba siya mula sa kinauupuan niya at binigay ang 4D glass sa babae, "Babalik po ako dito sa susunod, ah? Sana may bago kayong theme para masaya." Aniya
Tumango ito sa kanya, "Salamat po sa inyo."
Ngiti-ngiti siyang lumabas mula sa loob ng 4D rider, "Nanny—" Hindi na niya naituloy pa ang sasabihin niya dahil nakita niya ang Kuya Kris niyang seryoso ang tingin sa kanya. Naka-krus din ang braso nito sa harapan nito, Mukha rin itong bad trip.
