"HUY, Kalleah! Si Kuya Kristian mo kanina pa naghihintay sa labas ng kwarto mo. Hindi raw siya aalis dito hangga't hindi mo pa raw siya pinapatawad." Sabi ni Gizelle kay Kalleah. "Kanina pa nga siya pinapapak ng lamok doon eh."
Napahinga naman si Kalleah nang malalim at pagkatapos ay tumayo mula sa pagkakaupo sa kanyang kama.
Pagbukas pa lamang niya ng pintuan ay bumungad na sa paningin niya si Kristian na nakasandal sa pader habang nagtataboy ng mga lamok. Mukha siyang baliw roon na tila kalaro ang mga lamok.
"Sabi ko sa'yo, di ba umuwi ka na?" Sabi niya rito.
Tumikhim naman ito at umayos mula sa pagkakaupo. "May good news ako sa'yo." Sabi nito at nagpakita ng isang killer smile.
Hindi tuloy maitanggi ni Kalleah na talagang gwapo si Kristian sa paningin niya. Lalo na kapag ngumingiti
