SINIPA ko ang latang nakaharang sa nilalakaran ko. I'm so pissed right now, really pissed! Aargh!
"Ayabel!" narinig kong sigaw sa aking likuran.
Hindi ako lumingon dahil alam kong si Alec iyon. Sa halip ay tumakbo ako. Tumakbo palayo sa kanya at tinunton ang kakahuyan na sadya kong takbuhan sa umaga kapag gusto kong mag-jogging.
Mahamog ang pang-umagang hangin, masyado pang maaga para tumakbo pero dahil hindi ako nakatulog kagabi, minabuti ko na lang bumangon at maglakad at magpalipas nang sama ng loob pero heto't hinahabol ako ng lalaking ayaw akong angkinin.
"Ayabel, stop running!" Dinig ko ang yabag ng mga paa niya sa malambot na lupa na gawa ng madaling araw na ulan.
Mas lalo ko pang binilisan ang pagtakbo at dahil mamasa-masa ang lupa ay nadulas ako. Sumalampak ang puwitan ko sa
