NANNY FOR THE BILLIONAIRE'S TWINS
Chapter 31
NAGPANGGAP LANG NA natutulog si Aimie subalit kahit na pilitin pa siguro niya ang sarili na humimbing ay tila hindi rin siya mapagbibigyan ng kanyang isip.
Hindi magawang magpahinga ng kanyang utak sa dami ng kanyang iniisip mula pa kagabi. Sobrang magulo ang takbo ng kanyang isip at aminado siyang may mga bagay siyang nagawa at nakatakda pang gawin ng walang matibay na pagpaplano.
Nang malaman niyang nakatakdang magkita ang kanyang ina at ang tiyuhin ni Battalion ay mas lalo pang nadagdagan ang kabalisahan ng kanyang isip.
Sa dami ng maaaring maging buyer ng kanilang hacienda ay ang mismong tiyuhin pa talaga ni Battalion ang nagkaroon ng interes doon.
Tadhana na ang nagpapasya na ipaglapit si Caliber at Battalion. Noon ay nagdilidili si A
