Napabalikwas ng bangon si Rebecca. No! Akala niya totoo, panaginip lang pala. Napalingon siya sa maamong mukha ng kanyang asawa. Pinakatitigan niya ito ng maigi. Akala niya totoo. Iniwan na raw siya ni Zards. Damn it! Pero aminin man niya o hindi. Ngayon ang taning ng kanilang kasal. How sad.
"Morning!" si Zards, hinapit niya ang asawa sa maliit nitong bewang at niyakap ito.
Hindi sumagot si Rebecca sa asawa. Bagkus ay nakiramdam lang siya sa kanyang sarili. Kakayanin ba talaga niyang mawala si Zards sa buhay niya? Hinawi niya ang isang braso ng asawa at mula sa kanilang kama ay tumayo na siya. Tinungo niya ang banyo at naligo roon. Matagal siyang nagbabad sa banyo. Pagkalabas niya sa banyo, wala na si Zards sa kanilang kama. Lihim na nanlumo si Rebecca. Ang tanging nakita niya ay ang
