Julianna
Maghapon kong ikinulong ang sarili ko sa kwarto dahil sa nangyari sa roof deck. Nakakahiya man sa mga kasama ko rito sa bahay, nilunok ko iyon at hinayaan na hatiran nila ako ng tanghalian dito sa kwarto.
Natatakot na talaga akong makasalubong si Jercie sa kahit saang parte nitong bahay. At sa tuwing sasagi sa isipan ko iyong ginawa niya—pati na rin iyong sinabi niya sa restaurant—may kung anong kumakalam sa loob ng sikmura ko na hindi dapat.
Hindi ko siya gusto. Alam ko sa sarili ko iyon.
Siguro ay na-a-attract lang ako sa kanya dahil sa hitsura niya, at iyon lang iyon, plus the fact na may nangyari na sa amin. Kaya rin minsan ay hindi maiwasan ng imahinasyon ko na paglaruan ako.
Ang hula ko ay ganoon din iyon para sa kanya. O baka talagang gusto niya akong gamitin para inis
