تيامو

الفصل الثالث

كل واحد نام وارتاح و متشوق لحفلة النجاح بتاعت سما

شروق دخلت اخدت شاور ولبست هدومها بتاعت

البيت

شروق : صباح الخير

فوزيه : صباح النور

شروق : ماما الفطار جاهز

فوزيه : هجيبه اهوا

شروق : اجي اساعدك

فوزيه : لا كتر خيرك انا هجيبه بس هو جاهز يعني

شروق : ماشي

شروق فطرت و بتكلم سما

سما : ازيك يا شروق عامله اه

شروق : الحمدلله بخير انتي اخبارك

سما : يارب دايما.. أنا الحمدلله بخير

شروق : انا وانتي يارب

سما : انا كلمت اسمهان و قولتلها تجهز عشان تيجوا دلوقتي

شروق : مش الحفله بليل

سما : اه

شروق : امال اه بقى

سما : هتيجوا تقعدوا معايا و مفيش حد هيجي غير بليل بس عشان انتوا صحابي المقربين عاوزاكو تقضوا اليوم كامل معايا

شروق : بس

سما مقاطعا : لا بس ولا بس انتي هتيجي دلوقتي البسي ياله و هاتي معاكي طقم تاني تلبسيه بليل

شروق : ماشي

سما : باي بقا عشان اسيبك تلبس

شروق : باي

شروق قفلت مع سما وراحت قالت لمامتها وبابها ووافقوا

اسمهان بترن ع شروق وهي بتلبس

شروق : ألوو

اسمهان : ألوو ازيك يا شوشو

شروق : الحمدلله بخير و انتي

اسمهان : يارب دايما َ... أنا الحمد لله بخير انتي بتعملي اه

شروق : بلبس يا ستي سما عاوزني اجي معاكي دلوقتي

اسمهان : مش انا و انتي بس محمد كلم أحمد بردوا وهيجي دلوقتي و سما قالتلك هاتي طقم تاني عشان تلبسيه بليل

شروق : اه باين عليها قالتلك نفس الكلام

اسمهان : اه واحمد بردوا كأننا رايحين رحله

احمد : يا اسمهان

اسمهان : لحظه واحده يا شروق هشوف احمد عاوز اه وارجعلك

شروق :ماشي

احمد : رني ع صحبتك و ياله عشان نمشي انا نازل اهو

اسمهان : وانا جايه وراك ٥ دقايق بس و هات الجيتار بتاعك تسلينا بيه طول النهار

احمد : ماشي

اسمهان كلمت شروق قالت لها تنزل عشان تقا**ها

شروق : ماشي هنزل اهوا

اسمهان جهزت الميك و فستانها و فستان شروق

ونزلت ركبت العربيه

احمد : ياله اركبي بسرعه عشان نمشي

اسمهان : ياله عدي ع شروق

احمد : ماشي

وصلوا لبيت شروق و ركبت

شروق : السلام عليكم

احمد : و عليكم السلام ورحمة الله وبركاته ازيك يا شروق

شروق : الله يسلمك يا احمد

اسمهان : انا بقى عاوزه اوصل عند سما دلوقتي

شروق : وانا كمان

اسمهان : احمد جايب الجيتار و هيغزف و يغني كمان

شروق : الله انا حبيت صوته اوي

احمد : شكرا

شروق : العفو

وصلوا الفيله

سما : ازيك يا شروق ازيك يا اسمهان

اسمهان و شروق : الحمد لله

محمد اخو سما : مسك ايد ماسكه السلام يعني شروق ازيك يا شروق

شروق : الله يسلمك

كل ده و هو لسه ماسك ايدها

احمد بغيره شال ايدها وسلم ع محمد

احمد : ازيك يا محمد

محمد : الحمد لله معرفتكش مصطفى صاحبي

احمد : ازيك يا مصطفى

مصطفى : الحمدلله بخير

احمد وهو غيران ع اخته و شروق : ما تقوموا نتمشى في الفيله شويه ونسيبهم ع راحتهم

مصطفى و محمد : عندك حق والله

و قاموا يتمشوا

وشروق و سما و اسمهان قاعدين يتكلموا

سما : تعالوا اوريكوا فستاني و بالمره توريني الفساتين بتاعتكم

شروق و اسمهان دخلوا غرفة سما

سما : لحظه واحد هطلع الفستان

سما : اي رايكم

اسود لامع حلو و قصير

اسمهان و شروق : روعه

سما ياله وريني شروق لسه جايه تتطلع لقت اسمهان بتقول بصوت واطي متطلعيش انا هطلعلك فستانك

اسمهان : دا فستان شروق اي رايك فيه

سما : روعه

اسمهان : انا جيباه هديه ليها و هي بتقول عليه قصير

سما : لا عادي كل البنات اللي هتيجي الحفله هيبقوا لابسين قصير و انتي يا اسمهان وريني فستانك

اسمهان : اي رايك

سما : اوعا وشك حلو خالص

شروق : فعلا دا احنا لفينا في المول لف عشان تجيب فستان

سما : بس اللف مجاش ع الفاضي روعه بتاعك و بتاعها

اسمهان : ميرسي يا حب

سما ياله نخرج نقعد مع بعض قدام البيسين

اسمهان وشروق : ياله

وهما ماشيين شروق كانت لابسه كعب وفي مياه على الأرض

و احمد بيبص ع شروق لقاها واقعت في البيسين

اسمهان و سما : الحقوا شروق بتغرق

احمد جري وقلع التيشرت و نط جابها و هي مغمي عليها و شايلها

و طلع هاتوا فوطه بسرعه

جابوا فوطه و قعدوا يفوقوا فيها

احمد خوفه عليها كان باين علي وشه وقاعد يفوق فيها و كب ع وشها مياه و بتبدأ تفوق لقت احمد قالع التيشرت و هي مبلوله

شروق : هو ايه اللي حصل

احمد : وقعتي في البيسين

اسمهان و سما : اغمي عليكي وانتي في البسين و احمد طلعك

شروق :بجد شكرا

احمد : شكرا ع اه

شروق : انك انقذتني

احمد : دا واجبي

وكل حاجه رجعت لوضعها الطبيعي وقعدوا

يتكلموا و احمد قاعد مع مصطفى و محمد وتفكيره في شروق و شروق كذالك

سما : بس احمد كان خايف عليكي اوي

شروق بتوهه في الكلام

اسمهان : مت**فيهاش يا بنتي خلاص احنا عرفنا اللي فيها

شروق : و اي اللي فيها بقا يا ا**ه انتي وهيا احنا أصدقاء بس و شروق عارفه انها بتكذب على نفسها وان دي مش صداقه وبس

اوقات كتير بنبقا عارفين اه الصح اللي في قلبنا و عشان خوفنا لا نتوجع بنحاول نكذب على نفسنا بس ده مش هيفيدنا دا هيتعبنا اكتر و اكتر

نرجع بقا

اسمهان : انا خليت احمد يجيب الجيتار هيعزف و يغني نادي له يا سما

سما : احمد ياله عشان تغني

احمد : جاي اهوا

جه و قعد وبيسأل : اغني ع زوقي ولا ع زوقكم

اسمهان و سما : لا ع زوقك

احمد : انا هغني نسيني وانا جنبك و تخ*فني من الأحلام

اسمهان و سما و شروق : دي حلوه

احمد : انا عارف انها اغنيه قديمه اوي بس بحبها

التلات بنات : واحنا كمان ياله ابدأ

احمد : بيغني و عينه منزلتش من على شروق

شروق قاعده تلف وشها يمين و شمال

احمد خلص و الكل سقف الا شروق

احمد : اه رايك يا شروق شكلها معجبتكيش

شروق : لا عجبتني خالص

سما : ياله يا بنات نقوم نغير هدومنا

شروق و اسمهان قاموا

سما : انا هلبس وأخرج انا و انتي و شروق تدخلوا واحده تلبس في الحمام بتاع الغرفه وواحده في الغرفه ذات نفسها

اسمهان و شروق : اوك

سما لبست و حطت ميك اب

و خرجت

اسمهان و شروق : روعه يا بت

سما : ميرسي ميرسي....... ياله ادخلوا البسوا اوك

اسمهان و شروق : اوك كل واحده لبست و بتسرح شعرها اسمهان حطت ميك اب خفيف و قالت لشروق ياله عشان احطلك ميك اب

شروق : لا كفايه الفستان القصير اللي م**وفه أقف بيه ده

اسمهان : ده روعه عليكي والله و ياله عشان هحطلك ميك اب

شروق : انتي بردوا الفستان تحفه اوي عليكي

اسمهان : انتي الاحلى

وحطت لشروق الميك اب

اسمهان : ادخلي يا سما احنا هنلبس الصندل بس

سما : الله اه الجمال ده كله الفستان تحفه عليكوا

بس ايه القمر ده يا شروق روعه اوي اوي اوي

و جسمك ابيض ظاهر الفستان بجد روعه و انتي كمان يا اسمهان بجد حلو خالص

اسمهان : ياله نخرج

سما : ياله كل الناس وصلت

شروق : بجد

سما : اه والله بجد

شروق : لا انا مش هخرج كده

سما :لا هتخرجي كده

اسمهان : مشوفتيش احمد

سما : لا تقريبا لسه مخرجوش

اسمهان :طب ياله نخرج

سما : ياله

اسمهان : انا و شروق هنقعد على الترابيزه دي لحد ما احمد يجي

سما : ماشي انا هسلم ع الضيوف اوك

شروق : اوك

احمد وصل وراح يقعد بيبص ع جمال شروق و فضل مده سرحان

شروق :بتظبط شعرها الهواء بيطيره

اسمهان : احمد يا احمد

احمد : ها نعم

اسمهان : سرحان في اه

احمد : ولا حاجه

احمد : اي دا الجمال دا يا شروق

شروق خدودها احمرت و قالت : شكرا

سما جيت : اي دا اي دا انتي و احمد لابسين نفس اللون يا شروق

احمد : اه فعلا بس الفستان جميل عليها

سما : اه فعلا

احمد : انا مخدتش بالي من اننا لابسين زي بعض

اسمهان :بس لايقين ع بعض

شروق ب**وف باين عليها خالص: انا جايه معاكي يا سما

شروق و قفت مع سما و في رقص في الحفله مصطفى قرب من شروق و قال ممكن نرقص الرقصه دي مع بعض

شروق بعصبيه : لا

مصطفى شدها من وسطها : ليه بس يا جميل و قرب منها جامد

احمد بغيره و غل و هو شايف شروق

شد شروق وقفها وراه

وض*ب مصطفى بو** وقعه ع الارض قام مصطفى رد البو** بس احمد موقعش

شروق بعياط هيستيري : خلاص بقا يا احمد عشان خاطري

احمد ساب مصطفى عشان خاطر شروق

مصطفى : انا هوجعك جامد

احمد : لو قدرت

وكل ده و شروق لسه بتعيط سما

تعالوا معايا ادخلكوا غرفه الضيوف اللي هنا في الجنينه عشان التعويره دي وهجيب علبه الاسعافات الاوليه مع اسمهان

احمد : مفيش حاجه مستاهله

سما : لا طبعا

اسمهان جابت علبه الاسعافات الاوليه و هي خايفه ع اخوها من الجعزه قالت انا داخله التواليت وراجعه

احمد ماشي

شروق لسه بتعيط عياط هيستيري : انا خفت عليك جامد يا احمد

احمد : ليه

شروق : كده و خلاص

ياله عشان اطهرلك التعويره

احمد : انا بحبك يا شروق والله العظيم بحبك انتي بتحبيني يا شروق

شروق : اه يا احمد بحبك و كنت خايفه اقولك تجرحني لان انا مش من مستواك المادي

احمد : انا مقدرش اجرحك يا شروق واللي بيحب حد مبيدورش على مستواه المادي انا حبيتك من كل قلبي

كل اللي عملته بره دا بغير عليكي اه بغير عليكي من اي حد يجي ناحيتك بغير عليكي من نفسك

شروق و هي لسه بتعيط : انا بحبك اوي يا احمد

احمد : اخدها في حضنه و قال انا هاجي اتقدملك يا شروق تقبلي تتجوزيني

شروق هزت راسها

احمد مسح دموعها

شروق : ياله نمشي بقا عشان التعويره

احمد : التعويره خفت

شروق : ازاي

احمد : لأنك انتي اللي داويتيها

شروق بخجل : بجد

احمد بغزل : بجد احنا بقى هنخرج و نرقص رقصه السلو سوا عشان ادايق المستفز اللي برا

شروق : عشان خاطري يا احمد ابعد عنه وياله نمشي

احمد : بس نرقص رقصه السلو و ماسك ايدها و خارج

شروق طول الرقصه مخبيه وشها ع كتفه

احمد : مالك يا شروق

شروق ب**وف : مفيش

احمد : انا من يوم ما شوفتك وانتي لفتي نظري و حبيتك

شروق : وانا كمان

و كملوا رقص ورايحين يركبوا العربيه

اسمهان : عامل اه دلوقتي يا احمد

احمد : الحمدلله تمام

اسمهان : الحمد لله

احمد : انا هخطب شروق من أهلها بعد بكره

احمد مسك شروق من ايدها طول الطريق

اسمهان : لايقين ع بعض اوي و بعدين كل الصدف اللي عدت دي كان لازم تقلب بحب

احمد : واديها قلبت بحب

اسمهان : حب جميل

شروق قاعده في **ت

احمد : مالك

شروق بطوت واطي : مفيش

احمد : وشك احمر كده ليه انتي سخنه

اسمهان : دي مش سخنه دي م**وفه خلاص بقا معتش ت**فها

احمد بغزل : من عيوني يا جميل

وصلوا لبيت شروق

شروق : باي

احمد : باي

اسمهان : باي

شروق طلعت و افتكرت احمد وقلبها بينبض جامد

شروق غيرت هدومها خارجه تخبط ع غرفة بابها و مامتها

على : ادخلي يا شروق

شروق دخلت و باست مامها و بابها

على : انتي عاوزه تقولي حاجه يا شروق

شروق : بصراحه اه

على : قولي يا بنتي

شروق بخجل : احمد هيجي يتقدم لي بعد بكره ان شاء الله

على : احمد مين

شروق : اخو اسمهان يا بابا

على : اه عارفه شاب محترم انتي اه رايك

شروق بخجل : اللي تشوفه و خرجت جري

على : انا خايف لا يكون بيلعب بمشاعرها

فوزيه : بتقول كده ليه يا حاج

على : لان هو من طبقه عاليه و احنا ع قد حالنا

فوزيه : لو بيحبها بجد مش هيبص ع مستواها المادي

على : إن شاء الله ربنا يقدم اللي فيه الخير

فوزيه : يارب

وكله نام لصباح يوم جديد

......................................................................

احمد : صباح الخير

صبري : صباح النور

احمد : كنت عاوزكو في موضوع مهم جدا

صبري : اتفضلي احنا كلنا قاعدين اهوا

احمد : انا عاوز اخطب شروق

صبري : شروق مين

احمد : صاحبه اسمهان

صبري : بس دي فين و احنا فين يا ابني

احمد : الحب مفيش فيه طبقات يا أبي و هي غير كل البنات و بعدين دي مع اسمهان في الكليه كليه طب يعني و طالعه الأولى يعني كأننا زي بعض

صبرين : احمد معاه حق في كل الكلام ده احنا متجوزين واحنا لسه معملناش اي حاجه دلوقتي قاعدين في فيله صح

صبري : صح و ع العموم انا اقتنعت بالكلام

احمد : احنا هنروح بكرا

صبري : ليه

احمد : لاني متفق اني هروح بكرا

صبري : ماشي يا ابني

احمد دخل غرفته وقال : يا بنت اللذينه خليتني أقع في حبك اوي كده ازاي

................................ ََ......... َ.........................

و من جهه تانيه شروق

قاعدين يتف*جوا على التلفاز

و شروق ولا هنا كل تفكيرها في أحمد

فوزيه : يا شروق يا شروق

شروق : ها نعم يا ماما

فوزيه : لا ولا حاجه بشوفك سرحانه ولا اه

شروق : لا مش سرحانه ولا حاجه انا هدخل غرفتي

شروق : ودخلت وفضلت سرحانه في احمد وقلبها بينبض جامد

شروق : اه قلبي انا هقوم اشرب مياه شربت ولقت اللي بيخبط ع باب الشقه وقالت : مين

اسمهان : انا يا شوشو

شروق فتحت الباب : ادخلي يا قلبي

اسمهان دخلت و اعطيتها كيس

شروق : كيس اه دا

اسمهان : دا فستان تلبسيه بكرا

على : مين اللي جايبه

اسمهان : دا احمد اللي جابه عشان احنا جايين بكره

على : تنوروا بس انا هجيب لبنتي الفستان

اسمهان : لا ماينفعش دي العادات والتقاليد

على : ماشي

شروق و اسمهان دخلوا الغرفه

اسمهان : ازيك يا شوشو

شروق : الحمدلله بخير انتي اخبارك

اسمهان :يارب دايما..... أنا الحمد لله بخير.

شروق : يارب دايما

اسمهان : احمد بيسلم عليكي

شروق : سلميلي عليه

اسمهان : يوصل ان شاء الله شوفي الفستان احمد اللي منقيه

شروق : بجد

اسمهان : اه بجد والله

قامت تشوفه

لونه كشميري

قصير

صندل ابيض

شروق : جميل جدا

اسمهان : كويس انه عجبك

شروق : اكيد عجبني

اسمهان : ما حبيبك هو اللي منقيه

شروق : يوه بقا اسكتي

اسمهان : سكت خالص اهوا

شروق : انا راحه اجبلك عصير و جايه

اسمهان : هقول اه بس اوك

شروق راحت جابت عصير وشربوا

و جه بليل و احمد جه عشان يأخد اخته

على فتح الباب : ازيك يا ابني

احمد : ازيك يا عمي

على : الحمدلله بخير

احمد : هي اسمهان فين

على : مع شروق في غرفتها

احمد : ماشي

بقى شروق و اسمهان خارجين

احمد مد ايده : ازيك يا شروق

شروق : الحمدلله بخير وانت

احمد : يارب دايما... انا بخير

احمد : مع السلامة يا عمي

على : سلام

شروق قالت لمامتها : تعالي شوفي الفستان

فوزيه جايه اهوا و دخلوا الغرفه و شافوا الفستان و عجبهم

و خرجوا و باست بابها ومامتها و قالت تصبحوا على خير

على و فوزيه : وانتي من اهل الخير

دخلت نامت و فضلت نايمه لحد ما مامتها صاحيتها فوزيه : اي كل النوم دا يا شروق قومي استحمي ياله

شروق قامت بسرعه و دخلت تستحمي و فطرت

اسمهان رنت عليها

شروق : ألوو ازيك يا اسمهان عامله اه

اسمهان : الحمد لله بخير

شروق : يارب دايما

اسمهان : احنا هنجيلك الساعه ٦ بليل اوك

شروق : اوك

شروق خرجت لبابها ومامتها وقالت لهم انهم هيجوا الساعه ٦

علي: ماشي يا بنتي

ودخلت قعدت شويه والساعة بقت ٤ ودخلت تجهز نفسها لبست و حطت ميك اب خفيف

عباره عن ماسكرا و روج و ايلاينر

الساعه بقيت ٥ونص

فوزيه دخلت تعمل شربات و

احمد و أهله جوم معاه رنوا الجرس على فتح

على : اتفضلوا اتفضلوا

صبري : ازيك يا حاج

على : الله يسلمك

صبرين وفوزيه سلموا على بعض

اسمهان : امال شوشو فين

في غرفتها خليها تطلع تجيب الشربات و تيجي

اسمهان خبطت

شروق : ادخلي يا اسمهان

اسمهان : اي الجمال ده كله

شروق : بجد

اسمهان : قمر ١٤.... ياله نخرج وهاتي الشربات من المطبخ قدميه

شروق : انا برتعش ومش قادره اتحرك

اسمهان : قومي ياله

شروق خرجت جابت الشربات ويتقدمه و اسمهان قعدت مكانها شروق وصلت لحد احمد احمد

بغزل : اي القمر ده

شروق وشها احمر و مشيت

صبري : احنا جايين نطلب ايد بنت حضرتك لأحمد ابني

على : يزيدني الشرف

صبرى : نقرأ الفاتحه

على : نقرأ الفاتحه

قرأوا واحمد وشروق عنيهم ع بعض و احمد مسبل فيها

صبري : عاوزين نحدد ميعاد الخطوبه

على : الاسبوع الجاي كويس

احمد : الاسبوع الجاي اه بس يا عمي احنا النهارده مش ورانا حاجه نخطب النهارده

على : النهارده ليه بس

احمد : النهارده كويس خطوبه رسمي بقا والنبي

على : اللي انتوا شايفينه

احمد : ياله نمشي

ابو شروق و ام شروق لبسوا و خارجين

احمد مسك ايد شروق وقال : بحبك

شروق بخجل : وانا كمان

احمد : وانا كمان اه

شروق :يوه بقا

احمد : خلاص خلاص

و صلوا محل ذهب و احمد وشروق بينقوا

احمد : شوفي الدبله دى

شروق لبست وقالت : اه رايك

احمد بغزل : كل حاجه تليق بك يا جميل

شروق : ميرسي

احمد : الخواتم والغوايش بقا يا حاج

الرجل بتاع الذهب جاب اللي طلبه

شبكه شروق عباره عن

٢ غويشه

٢ خاتم و دبله

شروق : ملوش لزوم كل الذهب دا

احمد : و لا كتير ولا حاجه ميغلاش عليكي اي حاجه يا قلبي

شروق بخجل : شكرا يا احمد

احمد : مسمعكيش بتقولي لي شكرا دي

شروق : ماشي

احمد في محل الذهب

ركع قدام الكل و ف ايده الدبله و قال

تقبلي تتجوزيني يا شروق

شروق هزت راسها

احمد لبسها الدبله و شالها ولف بيها

وهي مغطيه وشها في كتفه

و راكبين العربيه هما بس و الباقيين في العربيه التانيه

شروق : انت رايح ع فين

احمد : رايح الفيله عشان انا محضر كل حاجه و عازم كل صحابك و اصحابي خطوبه رسمي بقا

شروق : من غير ما تعرفني

احمد : كنت عاوزها مفاجأة

شروق : احلى مفأجاه

احمد : غمضي عيونك الحلوه دي لحظه

دخلت الفيله لقت تزيين جميل ورقيق

شروق : الله اه الجمال ده

احمد : انتي الأجمل يا قلبي

شروق بخجل : خلاص بقا يا احمد

احمد : طالعه من بقق زي العسل يا عسل

شروق بخجل: ميرسي يا قلبي

احمد : انتي قولتي اه دلوقتي

شروق : قولت يا قلبي

احمد : يعني انا سمعت صح

شروق : اه سمعت صح

احمد : احنا هنرقص السلو بقا

شروق : ماشي

احمد قربها منه و مسكها من وسطها

بتقوله بصوت واطي : اه قلبي هيقف

احمد بتسبيل : من اه

شروق : منك

احمد : ليه بس كده

شروق : عينك مش راضيه تنزل من عليا ليه

احمد : عشان مش شايف غيرك

شروق : بجد

احمد بغزل : اه بجد يا روحي انتي

احمد : انا بقى لما اعوز اكلمك هكلمك ازاي اليومين اللي مشوفتيش فيهم كنت هتجنن عليكي

شروق : وانا كمان كنت واحشني ولو عاوز رقمي خده من اسمهان

احمد : يا جدع

شروق : ماشي بتقلس عليا طب سيبني بقا

مشت شدها من دراعها

احمد : يهون عليك تبعد عني

شروق : لا بس

احمد : لا بس ولا مبسش

و خلصوا من الحفله و بيوصلها

احمد : اول ما اوصل هكلمك

شروق بدلع : تؤ تؤ مش هرد عليك

احمد : ليه بس يا قلبي

شروق : عشان انت بتقلس عليا

احمد : كنت بهزر معاكي يا قلبي والله

شروق : ماشي لما تروح و ترن عليا هرد عليك على طول

احمد : ماشي

شروق : باي انا طالعه بقا

احمد : استنى

شروق : في اه

احمد : هطلعك انا

شروق : ماشي

يتبع