NAPABALIKWAS ng bangon si Kendra nang mapanaginipan niya ang mga kapatid. Umiiyak daw si Liit at hinahanap siya. Mabilis siyang bumangon pero imbes na tsenelas ang hanapin pera ang una niyang hinanap.
“Nasaan na ba ‘yon?” nangigil si Kendra sa kakahanap sa paligid. Nandito kasi siya sa sulok na parang imbakan ng mga sirang gulong. Kaya pala sumakit ang kasu-kasuan niya dahil nilatagan lang siya ng karton sa taas ng mga gulong.
“Ayos ka rin, ah? nauna ka pang himatayin sa akin kanina?”
Mabilis siyang napalingon sa nagsalita. Si Larry na nakatayo sa gilid ng pinto wala itong pang-itaas kaya kita niya ang bakas ng tama ng bala ng baril. Nagamot na siya dahil may benda na sa katawan niya.
“L—larry… kumusta kana? bakit ka pinalabas ng hospital ‘di ka pa magaling?” huminahon ang kanyang
