NGITING-NGITI si Jhyne dahil sa pinaggagawa niya. Nakikinita na niya sa kawalan ang mukha ng dati niyang partner. Sigurado siyang nakakunot-noo ito na mas nagpapalitaw sa aristocratic figure nito.
“Ang sungit naman kasi. ’Buti nga sa kanya. Imbes na matuwa dahil buhay na buhay ako eh parang may buwanang dalaw pa,” bulong niya na nakangiti habang hawak pa ang cell phone.
Mabuti na lamang hindi tumilapon ang mga laman ng bag niya noong tumalon siya mula sa jeep. Maituturing itong himala dahil hindi nahiwalay ang bag sa kanya at kahit papaano ay may magagamit siya upang muling bumangon at magsimula.
“Humanda ka ngayon, Antonio, dahil oras na makabalik ako sa trabaho ay ikaw ang unang makakatikim ng paghihiganti ko. Kayo ang dahilan kung bakit sirang-sira tayo sa mga tao!” gigil niyang sam
