(Let the game begin)
KAHIT ANONG GAWIN ni Fortney ay hindi siya makatulog. Lalo pa yata siyang hindi dinapuan ng antok dahil katabi na niya sa pagtulog si Garette bagama’t may distansiya sa kanya ay hindi pa rin siya mapakali. Nakaliliyo ang bango na nito sa katawan. Parang binibuhay nito ang patulog na niyang diwa.
“Hindi ka ba makatulog, Fort?” tanong nito.
“Hi-hindi e.” Bigla itong humarap sa kanya dahil naramdaman niya ang paggalaw nito.. Kahit na nakatalikod ay alam niyang nakatingin ito sa kanya.
“Fort,” mahinang tawag nito sa kanya. “Kanina sa pool, bakit ka umiyak?”
Tila ba dina-divert ng binata ang kasalukuyang nangyayari sa ibang bagay upang huwag siyang mag-alala.
“Kung ayaw mong pag-usapan ay ayos lang basta kapag gusto mo ng makakausap ay nandito lang ako. Handa akong m
