(Facing Andrea)
MALALAKI ANG HAKBANG NI Garette na bumaba. Kampante pa naman siya na hindi na babalik pa si Andrea ngunit mali siya. Madilim na ang kapaligiran ngunit hindi man lang yata ito natakot na bumalik sa isang liblib na lugar kung nasaan sila ngayon ni Fortney.
“Hi, Garette,” bati ni Andrea nang buksan niya ang pinto. Ang ngiti nito ay umabot hanggang taenga at kumikislap pa ang mga matang nakatitig sa kanya. “Kumusta ka na?”
“A-Andrea? Ano ang ginagawa mo rito?” Akma pa nitong hahawakan ang kamay niya ngunit mabilis siyang umiwas.
“Actually – “
“Garette?” boses iyon ni Fortney. Pakiramdam niya ay lalabas na ang puso niya sa lakas ng kabog niyon sa dibdib niya. Nalintikan na.
“Umalis ka na, Andrea. Hindi ito ang lugar na dapat mong puntahan.” Isasara na niya ang pinto nang
