(A helping hand)
NAGMAMANEHO NG sasakyan si Fortney nang hindi alam kung saan patungo. Walang tigil ang paglandas ng mga luha niya na hinayaan niya hanggang sa mabasa ang kanyang leeg. Nagkamali na naman siya ng akala. Ang akalang may kakarampot na pakialam ang kanyang ama sa lahat ng ginawa niya para sa MFC.
Iyon pala ay may niluluto na naman itong plano sa kanya na lalo lamang niyang ikinagalit. Punung-puno na siya ngunit hindi siya ganoon kasamang anak. Hindi niya kayang ipahiya o sumbatan ito sa harap ng isang estramghero.
F**k!
Napamura siya ng mariin kasabay ng malakas na paghampas sa manibela dahil isang oras na yata siyang nagmamaneho ngunit wala pang balak na tumigil ang pagbulwak ng mga luha sa kanyang mga mata. Masyado na ba siyang mabait dahil hindi niya man lang magawan
