(Age is just a number)
BUSUG NA BUSOG si Fortney dahil sa rami ng kinain nila ni Garette. Napalaban siya ng husto sa kainan dahil lalo siyang ginanahan ng magkamay sila sa pagkain. Hindi naman na iba sa kanya ang ganoong gawain ngunit masasabi niya na sobrang nag-enjoy siya sa unang pagkakataon. Wala kaarte-arte si Garette. Marahil sanay itong kumain sa ganoon at dahil na rin tagal nitong namamahala ng hotel at resort ay balewala na lang iyon.
“Saan mo pa balak na pumunta?” mayamaya pa ay tanong nito matapos nilang mahugas ng kamay. “Sasamahan kita.”
“Huwag na. Kaya ko na mag-isa, Garette. Sabi ko nga sa iyo, hindi mo ako kailangang samahan o bantayan. Matanda na ako para sa ganyan,” sagot niya.
“Sino ang nagsabi sa iyo na matanda ka na?” kunot-noo na tanong ng lalaki. Hinihintay siya
