Scandal Hits Izrael Temple (S.H.I.T.)

"Handa ka na ba, bes?" "Handang-handa na. Paabot nga ng mirror!" ani Paola. Inabot naman ito ni KC habang mine-makeup-an ang best friend. "KC, kulang. Hindi mukhang realistic ang mga pasa ko dahil parang hindi ako namumuti! Besty naman!" malungkot na sinabi ni Paola. Nagulat na lang ito nang biglang tumama sa kanyang mukha ang kamao ng kanyang besty na muntikan niyang ikahimatay at nakakita pa ng mga star. "Bes, okay ka lang?" tanong ni KC. Biglang gumanti si Paola ng sapak sa kaibigan. "Aray!" napasigaw si KC saka sinabunutan nang sobra si Paola. Biglang bumukas ang pinto. Iniluwa nito si Ritchie, ang kaibigan nilang bakla. "Wow! I like it! So realistic ng mga pasa mo, Paola, including the hair. Lumilipad at magulo pa!" nakangising sinabi ni Ritchie. "Talaga?" nakangiting sagot ni Paola. "Sabi ko sa iyo, bes, eh! Eto ang mirror. Pero s**t ka, ha! Sinampal mo ako. Alam mo namang hindi ko gagawin sa iyo yung suntok at sabunot kung walang dahilan," paliwanag ni KC sabay abot niya ng mirror kay Paola. "Wow! I love you, bes KC! Naging totoo yung mga pasa ko at yung sabog na buhok ko!" Niyakap niya ang best friend niya at may tears of joy pa. "Sorry for interrupting, mga bruha, at nandito si . . ." Binuksang muli ni Ritchie nang mas malawak ang pinto at iniluwa nito ang isang manang na masyadong maraming kolorete sa katawan. Walang iba kundi si Yaya Kuracha. "Huwat? Yaya Kuracha? Ano'ng meron sa mayordoma ni Maryan, Ritchie?" nagtatakang ani KC. "Of course, siya ang magpapanggap na nanay ni Paola. Di ba, bongga. Uhm, Yaya Kuracha, pwede bang alisin natin ang makeup mo at pekpek shorts? At pati na rin yung tube mo," sabi ng nagmamakaawang si Ritchie. "Ayoko. Lagay muna," anang manang. Biglang tumingin sina KC at Ritchie kay Paola kaya't no choice at inabot ni Paola ang drawer sabay kuha ng pera. "O, ayan ho!" Lumapit ang manang para abutin ito. "So, what's the plan?" "Avah bongga! Nag-English ang yaya ni Maryan. Anyway, saglit." Binuksan ng bakla ang hand bag niya at may kinuha rito saka iniabot sa manang ang isang makeup remover at duster. "Yaya, ayan. Pumasok ka na sa banyo, alisin mo na ang makeup mo at suotin mo iyang duster. Kayo namang dalawa. Maghanda na kayo para tawagin na natin ang special guest natin. Awlrayt, mga muder!" Nakangiti sabay kindat ni Ritchie kina Paola at KC at lumayas na sila sa pinto. Agad tumingin nang dahan-dahan si KC kay Paola. "Bes, sure ka ba sa plano mo? Ganyan ka ba kahibang sa lalakeng iyon?" "Oo, bes. Pakiramdam ko kasi, iba siya. He is hiding something na di ko maintindihan and I am quite sure na he likes me," ani Paola. "Kaya mo na bang i-bend ang katawan mo, bes?" "Of course, KC. Lagi kaya tayong nagyoyoga." "Aww . . . Good, how about the voice?" "'Sus, alam mo namang rakista ako sa gabi, 'no! Of course, I growl so hard like metalheads. Headbangers ako, 'no, bes! Samantalang hanggang acoustic ka lang or alternatives ang mga banda mo!" asar ni Paola. "Like you can growl na parang Flyleaf?" ani KC. "Tanga! Emo Screamo iyon. Yung Growl na parang yung kay Otep! You must know the difference between Screamo at growl of any metal bands," naiinis na pasaring ni Paola. "Well, rakista ka nga. So, mag-growl ka, hindi Screamo?" tanong ulit ni KC. "Yes," ani Paola nang magulat siyang inilabas ni KC ang isang vape. "Uy! Ano yan?" " Para may effect pa iyang plano mo, 'no! Ayaw mo n'on, may umuusok-usok pa sa kama, ahahaha!" tawa ni KC nang biglang mabuksan ang pintuan nang malakas. "OMG! Nandito na siya. Galingan n'yo na ang acting, dali! Diyos ko! Nandyan na si Father Izrael! Saan ako magtatago?" sigaw ni Ritchie na di mapakali. "Nasabihan mo na ba si Yaya Kuracha sa mga gagawin niya, pati dialogue?" sigaw ni KC na tila di rin mapakali sa pagmamadali. "Oo, saan ako magtatago? My goodness!" sigaw ni Ritchie nang marinig na nilang may nag-uusap sa labas. Bigla niyang pinatay ang ilaw sabay hila kay KC patago sa ibaba ng kama at pinaandar ni Paola ang lampara. Nabuksan ang pinto at nagsimula nang magwala si Paola. Pumasok itong napakamatipuno at guwapo, matangkad, at mestisong nakasuot ng itim na robe na pari. Siya si Father Izrael. Patay na patay sa kanya si Paola kaya plinano niya ang lahat para maka-jackpot siya sa pari na ito. Pakiramdam niya kasi ay may gusto din sa kanya si Izrael. Nagsimula nang um-acting si Yaya Kuracha. "Father! Sinasapian po ang anak ko, kanina pa! Gumawa kayo ng paraan, please!" pag-iyak at pag-aalala kuno ni Kuracha. Nagulat na lang ang makisig na pari nang biglang nagsuka ng itim si Paola habang sa ilalim ng kama ay sina KC at Ritchie na tawang-tawa at nagpipigil na lang. Mas nagulat pa lalo si Father Izrael nang biglang nag-bend ang katawan ni Paola sa kama na para talagang sinasapian kaya't sinimulan na niya itong hagisan ng agua bendita habang nagdadasal. Agad tumigil mag-bend ng katawan si Paola at umupo saka nagsalita na garalgal ang boses. "Hi, sexy priest! Come to Mama and kiss me! Raaawr!" ani Paola na nagpapanggap na ine-exorcise. Habang sa ilalim nang kama ay nagsimulan nang paandarin ni KC ang kanyang vape. "Ay, girl, gumagamit ka niyan?" gigil na sabi ni Ritchie. "Para may usok effect ang kama para kabilib-bilib na exorcism ang nangyayari now!" naasar na sagot ni KC. Mas lalong kinabahan si Father Izrael dahil dumadami ang usok at mas lalong nagwawala si Paola. "Mas lalong lumalakas ang nakasaping demonyo sa anak ninyo!" ani Father Izrael.