[Chapter 7]
MARAHAN KONG iminulat ang aking mga mata kasabay ng pagpasok ng mga boses na wari mo'y nag-aaway habang nagbubulungan.
"Gisingin mo na!"
"Ikaw na!"
"Kuryentehin mo na lang kaya, Zaia?"
"Sunugin mo na lang, Throne!"
"Ikaw rin, Khyzyr!"
"Oo nga, sunugin n'yo na lang!"
Nanlaki ang aking mga mata at hindi ko napigilang hindi bumangon at tignan ang mga brutal kong kasamahan.
"Ayan, mabuti naman at gising ka na!" nakangiting saad ni Clifford at akmang yayakapin na sana ako nang iharang ko ang kamay ko.
"Sinong hindi magigising sa mga pinagsasasabi ninyo, ha?" Inayos ko ang aking sarili bago ko sila muling hinarap.
"Ikaw naman, binibiro ka lang namin, oy!" Sinundot ni Sonja ang tagiliran ko kaya napaigtad ako.
Nagtawanan lang sila maliban kina Khyzyr at Throne. Habang ako
