Hindi pa kami tuluyang nakararating ng Plaza ay bumungad na sa amin ang napakaraming nagtitinda ng kung ano ano sa gilid nito, ang mga tindahan nila ay itinayo lang gamit ang mga kahoy at tarpaulin pero napakaganda pa ring tignan dahil sa dami ng Christmas lights na nakapaligid sa mga ito.
Hindi ko alam kung kumpetensiya ba ito sa kanila pero napakaliwanag ng buong lugar. Agad akong napangiti sa nakita at nilingon si Jag, tinignan din niya ako at napangiti siya nang makita ang excitement sa mukha ko.
“I’ll just park the car in front of the City Hall, doon din naman ang entrance sa Plaza.” Parang bata akong tumango, hindi mawala wala ang ngiti sa mga labi.
Ikinaliwa ni Jag ang sasakyan, tapos ilang segundo lang ay ikinanan naman niya, tapos ay ipinarada sa harap nga ng City Hall. Nang pa
