Hindi ko alam kung gaano kami katagal nagkwentuhan ni Jag, kasama ang magkapatid na sina Mario at Luigi sa tabi ng kubo, sila ay kain nang kain kaya madalas ay natatawa ako. Masaya talaga silang kasama, palabiro at parang napakagaan lang ng lahat, lalo na ang paraan ng pananalita nila, akala mo ay wala silang kahit na anong problema na pinagdadaanan.
“Kailan kayo ikakasal, ate?” Ako ang tinanong ni Luigi, kanina pa kasi nila tinatanong si Jag tungkol sa bagay na iyon pero tanging halakhak lang ang isinasagot sa kanila ng isang ito.
“Wala pa kasi talaga sa isip naming dalawa ‘yan, lalo na at mas kinikilala pa naming ang isa’t isa.” Nakangiting sagot ko naman, napatango ang dalawang magkapatid tapos ay agad na nilingon si Jag.
“Huwag mo ‘kong idamay, nasa isip ko na ‘yan. Hinihintay lang
