#حور حيدر
#عشك الجبل 2
فتحت بابهاا شلتهاا بين اديه لفت اديها على ركبتي ...
حاولت شكد ما اكدر ما اضعف كدامهاا ولو شوكي الهاا واضح ...ولهفتي عليهاا مفضوحه
خليتهاا علجرابايه وردت أطلع من الغرفه ...
حسيت بايدهاا التفت على خصري حضنتني بقوه ...وهمست بشوك
احضني وبيه اتغزل ارجعلي مثل الاول ...عايفني وهجرك طول واني اروح الوين ...اريدك حبيبي
وربي ميته شوك الك ...
حظنت ضهره بقوه ...ميته عليه
جنت احس روحي جسد بدون روح بدونه ...بس الي خلاني ابقه بعيده عنه ما ردته يتعذب وياي اكثر ...من اول يوم بعرسنه وهو خطيه بدال ميرتاح بزواجه مثل كل عريس ،حاير بيه من دكتوره للمستشفى وحاير شلون يريحني ،
وخطيه كل ساع يعتذر مني ويلوم نفسه لان اتعرض الطفل للخطر ...يكلي
اسف ليلو لان مكدرت اسيطر على نفسي واتقربت منج ...
حتى شغله كام ميروحله ،ما يخليني اتحراك ..كلف وحده تجي يومين بالاسبوع تنضف البيت والاكل
