(عشك الجبل(الجزء الثاني

6

#عشك الجبل 2 #حور حيدر مديت شويه راسي من الباب عطت ...جسوري باوعلي باستغراب وبيده التليفون ... كتله تصبح على خير حبيبي ...اليوم نام بالصاله تعرف عروس جديده ممتعوده احد يناام يمي ... شفت ملامحه اتغيرت ...دزيتله بوسه بالهوه وقفلت الباب بسرعه .... جااسر ايدي بشعري انكش بي حيل وساعه اسحبه ليوره بقوه ... من العصبيه بس اريد اسد الفون من ابويه الي عصبني اكثر وهو يكلي جدي وعمي ابو جبل ... مسوين عزيمه اليه ولجبل ولفهد ... جاسر بعصبيه ...يابه مرخصتك كتلك ما ريد اجي لتلح عليه ... ابو جاسر بأمر..جااسر كتلك تجي يعني تجي شكل لجدك الي اأكد عليه جيتك انته ومرتك ...شني شتريدنه اكله ...والله الافندي ما يريد ييجي جاسر بقهر وهو ياكل بروحه من العصبيه ...اكثر شي يكرهه بحياته احد يفرض عليه شي ... حجي فدوه اغديلك لتلح عليه ...كتلك رجلي بعد متعتب ذاك البيت ...ولوما اخاف الله جاا جته مرتي ما خليهاا تخطي خطوه هناك ... بس اهلهاا وما اكدر اغضب ربي واقطع صله رحمهاا باهلهاا... ابو جاسر ...شنو هل قوانه الجديده هاي من شوكت صار جدك وعمك هيج تحجي عليهم .. اسمعني جاسر هيه كلمه وحده تجي الخميس وتبوس راس جدك وعمك ... والله خوش تالي عمري ابني يعصاني جاسر اعصابه فارت دفر الميز برجله **ر التحفيات العليه وانثر الكزاز بلكاع ... كام يفتر يروح وييجي فوك الكزاز ميحس بشي ... طبعه من هو صغير اذا يصير اعصاب ... يختك ويكوم ي**ر يفقد اعصابه كلش وحته انهار كلش فقد اعصابه كام يعيط ... انته ليش متحس بيه ...ليش متفكر بيه حته باحله ايام حياتي ...جايين تنغصون فرحتي كل همك العشيره وكلام الناس ...ما فكرت من هانوني ورخصو بيه ...وصلت للموت من وراهم ومن وره ضلمهم ... انعل هيج اهل وعشيره ...الي بدل ما تسندني ت**ر ضهري.. ثقو بيه من كتلهمم ممسوي شي ...هاا احجي كول مو عاملوني مثل واحد من الشارع ... ومووهذه عمي الضربني وطردني وراد يحرمني ... من غزل ... ومو هذه جدي الراد يطلكها مني ... مو هذه نفسه لكلي غزل مو الك انته متستاهلها ... كاام يتنفس بتعب من الصراخ ...خله ايده على كلبه مكان الجرح ... كام يحجي بتعب وهو ينتجي على يده التخم ... انته عبالك انه هاي الفتره كلهاا ساكت ...يعني نسيت يعني سامحتهم ... لااا والله ...بس سويت كل هذه واتحملتهم حته اخذ مرتي من عيونهم ... وحده ليكدر يمسهاا بعد ...اخذت الاريده منهم وبعد مالي دخل بيهم .. ابو جاسر بعصبيه وحده ...يا حيف عليك وعلى سنين التعبت بتربيتك واني اكول ابني الما ي**رلي كلمه ... طلعت واحد حاقد واناني تالي هيج تحجي على جدك وعمك...وشنو واذا ضربك عمك ساعه غضب وراحت ... الظاهر ما عرفت اربيك ...وكمت ترفع صوتك على ابوك ... لو يكطعون راسك تسكت وتكول حاضر عمي .. اسمعني زين وهذه اخر كلام بينه ... اذا ما جيت انته ومرتك يوم الخميس وبست راس جدك وعمك لا انته ابني ولا اني ابوك ..واتبره منك لاخر يوم بعمري ... واغضب عليك ليوم الدين ..سد التليفون بوجه جاسر ... وجاسر وجه جامد ما بيه اي تعبير عيونه حمر مدمعه ايده تعصر التليفون بقهر وبقوه ... وذكريات ذاك اليوم بعدهاا اباله ميكدر ينسه ... شلون الكل اتخله عنه ... وبعدهاا نضراتهم مطبوعه اباله ... الكل خذله الكل طعنه ...بس جبل اثبت هو صدك اخوه وصاحبه..الوحيد السنده وجان بالنسبه اله ..اخو دنيا قرر من يوم الصحه من العمليه ...ياخذ غزل منه ويتبرا من الكل ما عدا جبل وفهد... غزل الي مهما سوت بي ومهما حجت تبقه بنته وطفلته وروحه .. يعاقبهاا بلطريقه ليريدهاا بس ميكدر يفاركهاا لحظه ... رجلي تنزف مليانه كزاز ومخلي ايده على كلبه ...كاام يتنفس بثكل ... باوع الباب الغرفه يريدهاا محتاج حضنهاا ...يريد يصيح غزل بس يحس صوته راح ..ما ضل بي حيل هيه الوحيده التكدر تعالجه ...حضنهاا دواه كوه مشه نفسه ونام علتخم ... غزل ...دخلت بسرعه وسديت الباب واذني علباب واني قلبي يدك بسرعه وميته ضحك ... ادري بي راح يتخبل حته افتح الباب ...ضليت انتضر وره الباب شوكت ييجي اشو طول ... شويه فزيت واني اسمع عياطه وصوت ت**ير .. كلش خفت ... اسمعه يعيط ويغلط بس ما فهمت عليمن ... كمت اكل بروحي واروح واجي بالغرفه ...كلت بس لا من ورايه لان سديت الباب وكتله حنام وحدي ... بس والله جنت اشاقه ويااه ... والله جنت اريده اخبث عليه لان ااني ما اكدر اناام الا بحضنه ... متت خوف وعضامي كامن واحد يطخ بالثاني ...يربي شسوي هسه اطلع لو لا اموت خوف من يعصب جاسر ينكلب غير شخص ... شويه سمعت صارت صنطه ...كلت خل اطلع والله اليستر ... فتحت الباب على كيف حتى لا يطلع صوت ... مديت راسي شويه ما شفت شي.. عفت الباب ومشيت على اطراف اصابعي للصاله .. انصدمت واني اشوف الصاله كلهاا .. كزاز منثوره وصايره هوسه اباوع هو ماكو...اتخبلت واني اشوف نقاط دم بالكاع ... ركضت بسرعه خوفي من غضب جاسر اختفه ...صرت خايفه عليه ... صارت عيني علتخم ...شفت جاسر نايم عليه ومخلي ايده على وجهاا مغطي عينه ...والايد الثانيه على قلبه ...ورجليه مدمايه اتخبلت واني اشوف الدم دموعي بللت وجهي ... اباوع لرجليه شلون الكزاز داخل بيهن ... كمت الطم على وجهي... اني ااني كله من وراي ...الله ياخذني اووف يروحي شصاير بيك ... ركضت للمطبخ كمت افتح بالجرارات ودموعي تصب ما شوف كدامي ... انثولت كمت افلش بالغراض ...كوه لكيت الشاش ومعقم وكطن ... اخذتهن وركضتله ...بعده على نومته ما ردت اكعده حته لا يتاذه ... كنبصت على ركبي كدام رجلي الرافعهن من التخم ... اديه ترجف واني اشوف الدم ماليهن اذكرت يوم الحادث ... اذكرت منظره بغرفه العمليات ...كمت ابجي بحركه خليت ايدي على حلكي حتى لا يطلع صوت واكعده .. كمت اطلع بالكزاز واهفي علجرح حته لا يتاذه ...داويت رجليه وعقمتهن ... بس طول ما اني اداويه ولا اتحرك ...الحمد لله جانن الجروح صغار ... خلصت ولفيت رجليه بالشاش ...بعده على نومته كلش خفت واني اشوفه ما يتحرك .. رحت يم راسه نزلت لمستواه ردت اشيل ايده من كلبه لا صاير شي لجرحه ... محسيت بي غير جارني ومنيمني على ص*ره ... ولاف اديه عليه ... كمت اتنفس بسرعه من الهبطه ... سمعته يكلي بس صوته تعبان ...ليش تبجين غزالي همست بخوف واني ابجي اكثر واناشغ واحضنه حيل مثل طفله لكت ملجئ الهاا.. خفت عليك بابا...متت واني اشوف الدم ماليك خفت لا تعوفني وبعد متريدني مثل ذاك اليوم ... غزل تحجي جنهاا طفله بحضن ابوهاا مسويه غلط ومتريده يعاقبهاا لو يبعد عنهاا ... باباتي يروحي ...والله اموت عليك مساعه وهيه تمسح دموعه ... مساعه جنت اشاقيك ...بعد ما زعلك والله والله ما اكدر اغمض عيني بدونك ...ما اكدر اغفه الاا بحضنك واشم ريحتك لتعوفني بابا حبيبي ...شتريد اسوي الخاطرك اسوي اموت بدونك والله اموت ... جاسر جنت كاعد من جانت اداويني ...ما حسيت بشي بس بملمس اديهاا جنت محتاج لمستهاا ... برغم حالتي بس من شفتهاا شلون خايفه وتبجي صدك كرهت روحي شلون ضعفت ...وخليتها هيج تخاف من ورايه ... جان لازم اصير اقوه علمودهاا ... حضنتهاا حيل بين اديه واني ابوس براسهاا .. اششش الصار مالج دخل بي ... لتحجين هيج طفلتي يرويحتي وج اني الما اكدر اخذ نفس اذا ما جان من بين شفايفج ... غزل رفعت راسهاا وعيونهاا كلها دموع وهيه تناشغ مثل الطفل ... لعد ليش هيج سويت بروحك ..عمو كلك شي جاسر وهو يتن*د بقهر ممتعود يضم شي على غزل من قبل لا يزوجون متعودين واحد يحجي للثاني كل شي بس هسه ما يريد يقهرهاا وهيه بعدها عروس اكيد راح تضوج على اهلهاا ... عوفيهمم ...اني مالي احد بس انتي انتي كل اهلي ... غزل باصرار ...فدوه لتضم عليه مو اني مرتك وبنتك من شوكت تضم عليه ... جاسر بعد ملحت غزل ما كدر يضم عليهاا ...كللهاا كل شي وجان خايف من رده فعلهاا ... غزل تباوع بعيونه وفجا كالت ... .............. دخلت ..كلت السلام عليكم لكيته كاعد على مكتبه ...اول ما شافني كال ...عوف السلام هسه البارحه شمسوي ... فارس باستغراب وهو يكعد علكرسي المقابل ...شكو شصاير البارحه اندري استاذ محمد وهو يكوم من مكتبه ... شنو شصاير فارس ...وتجاوزك على دكتوره جان والصيبه الجبتهاا الناا ... فارس ابرود بعد ما ذكر جان ...وشنو بالله شجاوزنه على حضرتهاا ... استاذ محمد بهدوء ...فارس شنو شمجاوز تره هاي دكتوره مو طالبه زميلتك حته تجر الكتاب منهاا كدام كل الطلاب ... واتهددهاا لكونك شيخ ... فارس بنفس البرود...ومنو هيه حته تطردني .. استاذ لتخليني اخليهاا ابالي واطردها من الجامعه كلها استاذ محمد وراح ينجلط من بروده...فارس فارس بطل هذه التسرع مالك والتهديد اذا انته كدامي هيج تحجي ... لعد حقهاا البارحه شوف شحاجي وياها ... ولك ابني هاي مو اي وحده ... فارس بعدم اهتمام وهو بلسبحه البيده ...شنو بت الوزير مثلا ...ميهمني استاذ محمد بحده... شنو ميهمك البارحه خبصت القسم خبص علينا .. ورفعتك لمجلس تحقيق .. ما ادري شلون عرفت انته مداوم طول السنه ... ماخذه ملفك ومحضره الشكوه ... ومتصله برئيس الجامعه ...الي حرك الدنيا عليناا يصير صديق جدهاا ... احمد ربك طلعت اعرف جدهاا ... وبالشافعات قنعتهاا بمساعده جدها يله قبلت متقدم شكوه مقابل تعتذر اليوم منها كدام الطلاب ... فارس ابرود وهو يضحك بس من داخله نار وكايده شلون وحده مثلهاا تسوي بي هيج ... من كل عقلك استاذ تريدني اعتذر منهاا ...وانته اكثر واحد يعرفني ... محد يكدر يلوي ذراعي ...ولتريد تسوي خل تسوي استاذ محمد ...فارس الشغله مو لعب ..فدوه عوف راسك اليابس..الشغله متخصك انته بس كلنا راح نروح بيهاا ...هذه يعتبر تزوير فارس ...ليش خايف ..ميهني شتريد تسوي خل تسوي تعرف بمكالمه وحده مني انهي كل شي استاذ محمد ...فارس كتلك لخاطري يا اخي اعتبرني ابوك واترجاك ... تقبل ابوك يترجاك .. فارس ..لا استاذ على راسي بس هاي قاطعه استاذ محمد ...لا استاذ ولا بطيخ هسه نروح اني وياك واني احل الموضوع وما خليك تنطق ولا كلمه فارس ...ولويش تكبر راسهاا محمد بملل وتعب...ولك فارس كوم راح يرتفع ضغطي منك ومن عنادك ..انتو اثنينكم واحد راسه ايبس من الثاني ..بعدين عيني انته الشيخ تعرف بيهاا الكاعد تحجي عليها كرايبك تصير فارس عدل كعدته...شلون شنو كرايبي استاذ محمد ...تصير بت الشهيد حيدر اللامي وجدهاا الشيخ قيس من نفس عشيرتكم ... فارس وهو يجمع بالاسماء ...اي اتذكرته هذي الابوها اتوفه انكتل مذبوح الله يرحمه ... فارس ..كوم وامري لله طلعت بت عشيرتي استاذ محمد بفرح ..اي هذه شيخنه العاقل فارس بضحك...اضحك عليه اضحك طلعو وصلو لباب القاعه ... دخلو بعد ما دك الباب استاذ محمد ... #عشك الجبل 2 #حور حيدر ..............