Kabanata 19
Ganid
DAHIL sa idinulot na pagod sa kapusukan nila ni Zelmira kagabi ay nagtagal ang paggising ni Cain kinabukasan. Nagpalit lamang ng tshirt at swimming shorts si Cain bago nagpasyang bumaba.
Plano niyang mag-jogging ng kahit saglit bago mag-swimming upang tuluyang magising ang bawat himaymay ng kanyang katawan.
Isang linggo lang ang ipinangako niya kay Cassia and Cache na itatagal ng kanilang bakasyon sa Isla El Puerco kaya nais niyang sulitin ang isang linggo na iyon.
Kung siya ang masusunod ay kaya niyang tapusin ang pabor na ipinapagawa sa kanya ng kanyang amang si Don Jacobo sa isla nang hindi aabot ng isang araw ngunit gawa nga ng pagpupursige ng kanyang mga pamangkin na yayain siyang mag-beach kaya nabuo ang kanyang pasya na isang buong linggo silang magbabakasyon
