Kabanata 16
Chopsticks Ni Cain
NANG MANGALAHATI na ang laman ng whiskey ay nagpalit na ng papel si Cain at Zelmira. Inagaw ni Zelmira ang pagiging tanggero ni Cain at hinahayaan lamang siya ni Cain.
Marami na silang napag-usapan ni Zelmira sa nagdaang oras pero madalas na kay Zelmira galing ang mga katanungan kaya marami na siyang nalaman tungkol kay Cain katulad halimbawa ng pagiging illegitimate son nito ng noo'y matalik na kaibigan ng kanyang Lolo Ignatius. Malapit sa pulitika ang pamilya nito sa father side samantalang ang ina nitong isang half-Filipino at half-Chinese ay nakapag-asawa ng mayamang negosyante.
Ikinuwento rin nito na pagmamay-ari ng step-father nito ang ospital kung saan siya nagtatrabaho bilang general surgeon. Tinalaga rin siya bilang acting Vice-President ng hosp
