Dinala sila ni Ares sa imperial base para magbigay ng testimony sa nangyari sa kanila. Ang dalawang lalaki ay dinala na rin sa imperial prison at hindi na kailangan pa ng paglilitis sa korte. Tapos na rin silang gamutin ng doctor ng mga sundalo kaya ngayon ay kaharap niya ang binata sa sariling opisina nito at ramdam niyang matiim na nakatingin ito sa kanya. Ang babaeng tinulungan niya ay nasa ibang room para tanungin na rin.
Halos ayaw n'yang mag-angat ng mukha at nakayuko lang. Hindi sa natatakot siyang salubungin ang tingin ng binata kundi dahil ayaw niyang makita nito kung gaano siya kapangit dahil sa mga pasa sa kanyang mukha. Nakita niya kanina ang hitsura niya sa salamin noong pumunta siya sa restroom at pati siya ay napangiwi sa pamamaga ng kanyang mukha. Kung hindi pa siya kinato
