Chapter Eighteen
Dumating na nga araw na babago sa buhay nila Baby at Ervir. Maagang nagising si Baby para magpaayos sa mga kinuhang make- up artists at fashion designer ng kanyang ate Abelle. Simple lang ang kanyang ayos at suot pero halatang malaking event ang magaganap.
Kinakabahan siya. Hindi siya mapakali. Puro pilit na ngiti ang lumalabas sa kanyang mga labi. Wala na nga ba siyang pagkakataon na tumakas?
Nakabantay sa kanya si Ervir sa isang sulok ng silid. Nakikita niya itong nakatitig lang sa kanya sa salamin. Puno ng pag-ibig ang mga mata nito habang nakapako sa kanya. Nang matapos siyang ayusan ay pinalabas na muna niya ang lahat sa silid. Tumayo siya sa harap ng nobyo.
"Ayos na ba?" Tanong niya rito.
"Ayos na ayos. Napakaganda mo talaga. May ayos man o wal
